ডিজিটেল ডেস্ক : গৰমৰ বাবে কামৰূপ মেট্ৰ'ত সলনি কৰা হৈছে পাঠদানৰ সময়সূচী। এক জাননী যোগে এই কথা সদৰী কৰিলে কামৰূপ মেট্ৰ'ৰ বিদ্যালয়সমূহৰ পৰিদৰ্শকে। উৎকট গৰমৰ বাবে অহা ৫ জুনৰ পৰা অনিৰ্দিষ্ট কাললৈ সলনি কৰা হৈছে সময়সূচী।
জাননী অনুসৰি প্ৰাথমিক বিদ্যালয়সমূহ পুৱা ৭.৩০ৰ পৰা ১২ বজালৈ, মাধ্যমিক বিদ্যালয়সমূহ পুৱা ৭.৩০ৰ পৰা ১২.৩০ বজালৈ আৰু উচ্চতৰ মাধ্যমিক বিদ্যালয়সমূহত পুৱা ৭.৩০ৰ পৰা ১ বজালৈ পাঠদান অনুষ্ঠিত কৰা হ'ব।
উল্লেখ্য যে, এই নিৰ্দেশনা চৰকাৰী-বেচৰকাৰীসকলো বিদ্যালয়ৰ বাবে প্ৰযোজ্য হ'ব।
