ডিজিটেল ডেস্ক : নিৰ্বাচনৰ দায়িত্ব সামৰি অহাৰ পথত ট্ৰাকৰ খুন্দাত প্ৰাণ গ’ল এগৰাকী আৰক্ষী কনিষ্টবলৰ। শুকুৰবাৰে নিশা উত্তৰ গুৱাহাটীৰ আমিনগাঁৱত সংঘটিত হৈছে এই দুৰ্ঘটনা।
শৰাইঘাট দলঙৰ সমীপত হোৱা এই পথ দুৰ্ঘটনাৰ ফলত নিহত লোকজন অসম আৰক্ষীৰ কনিষ্টবল গোপাল চন্দ্র চৌধুৰী বুলি চিনাক্ত কৰা হৈছে। ইতিমধ্যে আৰক্ষীয়ে মৃতদেহটি উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰা বুলি জানিব পৰা গৈছে। ইফালে দুৰ্ঘটনা সংঘটিত কৰা ট্ৰাকখন জালুবাৰীৰ আৰক্ষীয়ে জব্দ কৰিছে।
