কবি আনিছ উজ জামানৰ ওপজা দিনত সম্বৰ্ধনাঃ গ্ৰন্থ উন্মোচন...

ডিজিটেল ডেস্কঃ উৰিষ্যাৰ চম্বলপুৰ বিশ্ববিদ্যালয়ে প্ৰদান কৰা গংগাধৰ মেহেৰ ৰাষ্ট্ৰীয় কাব্য বঁটা -২০২২ প্ৰাপক কবি-অনুবাদক আনিছ উজ জামানক শনিবাৰে তেওঁৰ ওপজা দিনত অগ্ৰণী প্ৰকাশন গোষ্ঠী প্ৰজ্ঞা মিডিয়াহাইপে সম্বৰ্ধনা জ্ঞাপন কৰে৷ গুৱাহাটী প্ৰেছ ক্লাৱত অনুষ্ঠিত এক সুন্দৰ অনুষ্ঠানত কবি জনৰ কবিতাৰ সুন্দৰ বিশ্লেষণ দাঙি ধৰে বিশিষ্ট লেখক সমালোচক প্ৰভাত বৰাই৷

বৰাই আনিছ উজ জামান কবি নীলমণি ফুকনৰ দ্বাৰা কিছু পৰিমাণে প্ৰভাম্বিত যদিও তেওঁ নিজৰ এক সুকীয়া ধাৰা সৃষ্টি কৰিবলৈ সক্ষম হোৱা বুলি মন্তব্য কৰে৷ অনুষ্ঠানত বি বৰুৱা কলেজৰ অসমীয়া বিভাগৰ সহকাৰী অধ্যাপক ড° উৎপলা দাসে লিখা ’আনিছ উজ জামান- কবি আৰু কবিতা’ শীৰ্ষক গ্ৰন্থখন লেখক প্ৰভাত বৰা, কবি ড° লুটফা হানুম ছেলিমা বেগম, কবি জামান আৰু লেখক- অধ্যাপক ড° ধ্ৰুৱজ্যোতি দাসে উন্মোচন কৰে৷ লেখকা উৎপলা দাসে কবি জামানৰ কবিতাই তেওঁক গভীৰভাৱে ৰেখাপাত কৰাৰ কথা ব্যক্ত কৰে৷

Also Read: চিলাপথাৰত ৮ দিনীয়াকৈ আৰম্ভ তৃতীয় ৰাজ্যিক ভাওনা সমাৰোহ...