দখলাৰ কলিতাপাৰাত ৰাজহুৱা হোম যজ্ঞ

দখলাৰ কলিতাপাৰাত ৰাজহুৱা হোম যজ্ঞ

ডিজিটেল সংবাদ,গুৱাহাটী : বিজয়নগৰৰ সমীপৰ দখলা কলিতাপাৰাৰ ৰাইজে পৰম্পৰাগতভাৱে আয়োজন কৰি অহা ৰাজহুৱা হোম যজ্ঞভাগ উলহ-মালহেৰে উদযাপন কৰে । পুৱা ১০ বজাত ঘট বুৰণৰ পিচতে নৰেন কলিতাৰ নেতৃত্বত ওজাপালি পৰিৱেশন কৰা হয় ।

ইয়াৰ পাছত পুষ্পাঞ্জলি প্ৰদান, ৰাজহুৱা ভোগ গ্ৰহণৰ পিচত বিয়লি নিমন্ত্ৰিত বিশিষ্ট ব্যক্তিক আদৰণি জনায় । অনুষ্ঠানত সাংবাদিক তথা লেখক দীপক শৰ্মা, মানুহ আৰু পৰিৱেশ, অসমৰ সভাপতি তথা জ্যেষ্ঠ সমাজকৰ্মী কমল চন্দ্ৰ মেধি, দক্ষিণ কামৰূপ সচেতন মঞ্চৰ অধ্যক্ষ মদন দাস প্ৰভৃতিয়ে অংশ লয় ।

সন্ধিয়া ৭-০০ বজাত সাংস্কৃতিক মঞ্চ মুকলি কৰে খাদী আৰু গ্ৰামোদ্যোগ ব'ৰ্ডৰ অধ্যক্ষ ডা০ কমলাকান্ত কলিতাই । বন্তি প্ৰজ্বলন কৰে অসম গণ পৰিষদৰ পলাশবাৰী সমষ্টি সভাপতি চন্দ্ৰ কলিতাই ।

শুকুৰবাৰে নিশা ৮-০০ বজাৰ পৰা নলবাৰী ত্ৰিনয়ন নাগাৰা নাম দলৰ পাঠিকা জিন্টি ডেকাই নাম পৰিবেশন কৰে। অম্বুবাচীৰ পূৰ্বে আয়োজিত দখলা কলিতাপাৰাৰ এই মাংগলিক অনুষ্ঠানে সকলোকে সন্মোহিত কৰে ।

উল্লেখ্য যে ৰাইজ গয়ৰহৰ সভাপতি জয়ন্ত কলিতা কাকতি, উপ-সভাপতি পুলক দাস, সম্পাদক জগদীশ দাস, সহ সম্পাদক ৰঞ্জন কলিতা, সদস্য পুলক দাস (মেধি), বিমল দাস(বগা), পৃষ্ঠপোষক গিৰিধৰ দাস, হেমন্ত কলিতাৰ সাৰ্থক পৰিচালনাত মাংগলিক অনুষ্ঠানটি সম্পন্ন কৰা হয়।

দখলাৰ কলিতাপাৰাত ৰাজহুৱা হোম যজ্ঞ
মঙলদৈৰ জনাৰামচৌকাৰ মথাউৰি পৰিদৰ্শন মন্ত্ৰী পীযুষৰ : তৎকালীনভাৱে ব্যৱস্থা গ্ৰহণৰ নিৰ্দেশ

Related Stories

No stories found.
X
Code:
logo
Asomiya Pratidin
www.asomiyapratidin.in