ডিজিটেল ডেস্ক : দুৰ্গা পূজাৰ আনন্দ উল্লাসৰ মাজতে মহানগৰীৰ হেঙৰাবাৰীত সংঘটিত হৈছে এক চাঞ্চল্যকৰ ঘটনা। হেঙেৰাবাৰীত উদ্ধাৰ কৰা হৈছে তেজেৰে লুতুৰি-পুতুৰি হৈ থকা এটা মৃতদেহ।
হেঙৰাবাৰী এল পি স্কুলৰ সমীপত উদ্ধাৰ কৰা হৈছে মৃতদেহটো। ৰাইজে সন্দেহ কৰা মতে কোনো দুৰ্বৃত্তই হানি-খুচি লোকজনক হত্যা কৰা হৈছে। ইফালে নিহত লোকজনৰ নাম খগেন দাস। তেওঁ পেচাত ই-ৰিস্কা চালক বুলি জানিব পৰা গৈছে।
এই ঘটনাৰে তিলেশ্বৰ নামৰ এজন ব্যক্তিৰ নাম সাঙোৰ খাইছে। অভিযুক্ত তিলেশ্বৰ পেচাত ই-ৰিস্কা চালক। বিজয়া দশমীৰ দিনাই সংঘটিত হোৱা এই ঘটনাই জোকাৰি গৈছে সমগ্ৰ মহানগৰ বাসীক। ইফালে এই ঘটনাৰ প্ৰকৃত ৰহস্য আৰক্ষীৰ তদন্তৰ পাছতহে পোহলৈ আহিব।
