দ্বিতীয় সন্তানৰ মাতৃ হ’বলৈ ওলাইছে ছানা খান

ডিজিটেল ডেস্ক: অতি কম সময়ৰ ভিতৰতে অভূতপূৰ্ব সফলতা লাভ কৰাৰ পিছত হঠাতে ছবি আৰু টিভি উদ্যোগ ত্যাগ কৰি সকলোকে আচৰিত কৰি তুলিছিল অভিনেত্ৰী-মডেল ছানা খানে।এগৰাকী অতি জনপ্ৰিয় তাৰকাৰ জীৱনশৈলী ত্যাগ কৰি ছানাই নিজক ধৰ্মৰ প্ৰতি উৎসৰ্গা কৰে।এটি পুত্ৰ সন্তানৰ সৈতে এতিয়া ছানাৰ আছে এখন সুখৰ সংসাৰ।

শেহতীয়াকৈ ছানাই অনুৰাগীসকলক আকৌ ভাল খবৰ দিছে।হয়, ছানায়ে তেওঁৰ দ্বিতীয় গৰ্ভধাৰণৰ কথা ঘোষণা কৰিছে।বলীউডৰ উজ্জ্বল পৃথিৱীৰ পৰা নিজকে আঁতৰাই ৰখা ছানা খানে অলপতে তেওঁৰ ইনষ্টাগ্ৰামত এই খবৰ ৰাজহুৱা কৰিছে।

ইয়াৰ পাছতে স্বাভাৱিকভাৱেই অগনন গুণমুগ্ধই ছানাক তেওঁৰ দ্বিতীয় সন্তানৰ বাবে অভিনন্দন জনাইছে।উল্লেখ্য যে, বলীউড ত্যাগ কৰি ছানায়ে ২০২০ৰ ২১ নৱেম্বৰত ব্যৱসায়ী তথা ধৰ্মীয় নেতা মুফতি আনাছ চয়দৰ সৈতে বিবাহপাশত আবদ্ধ হৈছিল।ছানায়ে সম্প্ৰতি ইছলামিক ৰীতি-নীতি অনুসৰি নিজৰ জীৱন যাপন কৰে যদিও সামাজিক মাধ্যমত খুব সক্ৰিয়।ছানায়ে নিজৰ দৈনন্দিন জীৱনৰ লগতে তেওঁৰ পুত্ৰৰ বহু ফটো শ্বেয়াৰ কৰি থাকে।

Also Read: মালাইকাৰ সৈতে সম্পৰ্ক শেষ কৰি আঁকিলে টাটু