ডিজিটেল ডেস্ক : দেশৰ শক্তি ব্যৱস্থা পৰিচালনা নিগমৰ অধ্যক্ষ এছ. আৰ. নৰসিংহই প্ৰকাশ কৰিলে এক বিষ্ফোৰক তথ্য । আগন্তুক সময়ছোৱাত ভাৰতৰ ১৩ খন ৰাজ্যই বিদ্যুৎ শক্তি ক্ৰয় অথবা বিক্ৰী কৰিব নোৱাৰিব । ইয়াৰ কাৰণ হৈছে, এই ৰাজ্যসমূহে এতিয়ালৈ শক্তি উৎপাদক আৰু বিতৰণ কোম্পানীক পৰিশোধ কৰা নাই পূৰ্বৰ বকেয়া । এই সমগ্ৰ বকেয়া ভাৰতীয় মূল্যত প্ৰায় ৫১০০ কোটি টকা । এই বৃহৎ পৰিমাণৰ ধনৰাশি অহা আঢ়ৈ মাহৰ ভিতৰত পৰিশোধ কৰিব নোৱাৰিলে ৰাজ্যসমূহে হ্ৰস্বম্যাদী শক্তিৰ উৎস হেৰুৱাব ।
উল্লেখ্য যে, ভাৰতৰ অৰ্থনীতিত বিদ্যুতৰ ৰাজ্যিক স্তৰৰ খুচুৰা ব্যৱসায়ীসমূহ ইতিমধ্যেই এক দুৰ্বল স্থানত অৱস্থিতি গ্ৰহণ কৰি আহিছে, যাৰ বাবে নৰেন্দ্ৰ মোডী নেতৃত্বাধীন বিজেপি চৰকাৰে এই সিদ্ধান্ত ল'বলৈ বাধ্য হয় ।
