ডিজিটেল সংবাদ গোলাঘাটঃ নাহৰফুটুকীৰ আক্ৰমণত আহত ৩জন লোক। গোলাঘাট জিলাৰ টেঙানীত শুকুৰবাৰে এটা নাহৰফুটুকী বাঘৰ আক্ৰমণত তিনিজন লোক আহত হয় । ইয়াৰে এগৰাকী মহিলা ।
জানিব পৰা অনুসৰি গৰু লৰাবলৈ যাওতে পিংকী শইকীয়া নামৰ মহিলাগৰাকীক নাহৰফুটুকীৱে আক্ৰমণ কৰে । এই দৃশ্য প্ৰত্যক্ষ কৰি পিংকী শইকীয়াক বচাবলৈ যাওঁতে পিংকীৰ দেৱৰ মাইনা শইকীয়াকো বাঘটোৱে আক্ৰমণ কৰে ।
ইয়াৰ পিছতে একে গাঁৱৰে যোগেন শইকীয়া নামৰ ব্যক্তিজনো বাঘৰ আক্ৰমণৰ বলি হয়। বাঘৰ আক্ৰমণত আহত তিনিওকে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰোৱা হয়।
