কঠীয়াতলীত বন্যহস্তীৰ জাকে নিদ্ৰা হৰণ কৰিছে সাধাৰণ ৰাইজৰ

ডিজিটেল সেৱা, কঠীয়াতলী:- নগাঁৱৰ ৩৬ নং ৰাষ্ট্ৰীয় ঘাই পথত গজৰাজৰ ৰেলী ৷ নিশা হ'লেই এতিয়া কঠিয়াতলীৰ বিভিন্ন স্থানৰ আতংকৰ কাৰণ হৈ পৰিছে বন্যহস্তী ৷ বনাঞ্চল এৰি এতিয়া জনাঞ্চলত মুক্ত বিচৰণ কৰিছে শতাধিক বন্যহস্তীয়ে ।

কন্দলী পাহাৰৰ পৰা নামি অহা এটা বৃহৎ হাতীৰ জাক পাৰ হয় নিজ কঠিয়াতলীৰ ৩৬ নং ৰাষ্ট্ৰীয় ঘাইপথৰে ৷ বন্যহস্তীৰ জাকটো পাৰ হোৱাৰ সময়ত ৰাষ্ট্ৰীয় ঘাইপথৰ দুয়োপাৰে বহু যান বাহন আবদ্ধ হৈ পৰে ৷

খাদ্যৰ সন্ধানত অহা বন্যহস্তীৰ মুক্ত বিচৰণত আতংকিত হৈ পৰিছে গঁঞা ৰাইজ ৷ হাতী খেদাত ব্যৰ্থ হৈছে নগাঁৱৰ বন বিভাগ ৷ বন্যহস্তীৰ উপদ্ৰৱত অতিষ্ঠ হৈছে নগাঁৱৰ কঠিয়াতলী, কন্দলী, ননৈ, ৰাঙলু, গমাৰিআটি, কছাৰী গাঁৱৰ লগতে ১০ খনৰো অধিক গাঁৱৰ ৰাইজ ৷ বিগত এমাহ ধৰি দিনে নিশাই উপদ্ৰৱ চলায় বন্যহস্তীৰ জাকে এফালৰ পৰা পকা ধান খায় তহিলং কৰাৰ লগতে অনিষ্ট কৰিছে হাজাৰ হাজাৰ বিঘা পকা ধান ৷

Also Read: ড০ বাণীকান্ত কাকতি মেধা বঁটাঃ স্কুটাৰ বিতৰণ কাৰ্যসূচীৰ শুভাৰম্ভ কৰিব মুখ্যমন্ত্ৰী হিমন্ত বিশ্ব শৰ্মাই