ডিজিটেল সংবাদ, কাজিৰঙা : কাজিৰঙা ৰাষ্ট্ৰীয় উদ্যানত অঘটন। ব্যক্তিগত হাতী চাফাৰী কৰি থাকোতে হাতীৰ পৰা সৰি পৰিল পৰ্যটক । বাগৰি বনাঞ্চলত চামেলী নামৰ হাতীজনীৰে চাফাৰী কৰিব গৈছিল বহিৰাজ্যৰ পৰ্যটকৰ এটা দল ৷
হঠাৎ আন এটা ব্যক্তিগত হাতীৰ সৈতে যুজ লগাত হাতীটোত থকা তিনিগৰাকী পৰ্যটক হাতীৰ পৰা সৰি পৰি আহত হয় ৷ আহত তিনি মহিলা পৰ্যটক শ্ৰীলেখা সিনহা, শিখা সিনহা, প্ৰতিমা দত্ত ৷ আহত তিনি পৰ্যটকক প্ৰথমে কহঁৰা চিকিৎসালয়ত চিকিৎসা কৰাৰ পিছত যোৰহাট অসামৰিক চিকিৎসালয়লৈ প্ৰেৰণ কৰা হৈছে ।
