প্ৰতিদিন সংবাদ, টেঙাখাতঃ দুলিয়াজান বিধানসভা সমষ্টিৰ অন্তৰ্গত তথা টেঙাখাত ৰাজহ চক্ৰ বিষয়া কাৰ্যালয়ৰ অধীনস্থ বৃহত্তৰ টেঙাখাত অঞ্চলত দেওবাৰে আবেলি প্ৰচণ্ড শিলাবৃষ্টিৰ হয় । যাৰ ফলত ৰাইজৰ ফলমূল তথা মূল্যবান গছ-গছনি ভঙা ঘৰ ভঙা তথা ঘৰৰ চালি বাৰাণ্ডাৰ গোহালি ভঁৰালৰ চালি উৰুৱাই নিয়া আদি ব্যাপক ক্ষয়ক্ষতি হয় ।
লগতে চৰকাৰী বে-চৰকাৰী বিদ্যালয় কাৰ্যালয় অনুষ্ঠান প্ৰতিষ্ঠান আদিৰো ব্যাপক ক্ষয়-ক্ষতি হয় । অন্যহাতে ধুমুহাৰ ফলত গছ-গছনি ভাঙী বিদ্যুত তাঁৰৰ ওপৰত পৰি তাঁৰ চিঙা খুঁটা ভঙাৰ ফলত কালিৰে পৰা অঞ্চলটোত বিদ্যুত বিচ্ছিন্ন হৈ পৰাত ৰাইজে বহুতো সমস্যাত পৰিছে ।
বানটনা কপহুৱা চাউদাং ন-খঙীয়া পুৰণিখঙীয়া তিৰলীয়া চকলিভৰীয়া নিজ টেঙাখাত গন্ধীয়া-ভাজনী, গন্ধীয়া-চাউদাং পানীমুদি, ভেকুলাজান, নকাৰী, শেনচোৱা আদি গাঁৱত বিস্তৰ ক্ষয়ক্ষতি হোৱাৰ লগতে দেওবাৰৰ পৰা পৰা সম্পূৰ্ণ বিদ্যুৎ বিচ্ছিন্ন হৈ থাকে ।
অৱশ্যে বিপদমুক্ত একাংশ অঞ্চলত আজি সন্ধিয়াৰ পৰা বিদ্যুৎ সৰবৰাহৰ ব্যৱস্থা কৰাৰ পৰিলক্ষিত হয় । আজি বতৰ ফৰকাল হোৱাৰ হেতু দুৰ্দশাগ্ৰস্থ ৰাইজে পুৱাৰ পৰা ওৰেদিন কাপোৰ-কানি ৰ'দত দিয়া ঘৰ মেৰামতি কৰাকে ধৰি ব্যস্থ হৈ থকা পৰিলক্ষিত হয় ।
অৱশ্যে বহু দৰিদ্ৰ পৰিয়ালে ঘৰ মেৰামতি কৰিব নোৱাৰি আজিও উদং চালিৰ তলত নতুবা আনৰ ঘৰত আশ্ৰয় লব লগা হোৱা পৰিলক্ষিত হয় ।
ইফালে ক্ষতিগ্ৰস্থ পৰিয়ালত স্থানীয় লাট গাওঁবুঢ়া ৱাৰ্ডমেম্বাৰৰ দ্বাৰা জৰিপ কৰা পৰিলক্ষিত হয় যদিও টেঙাখাত ৰাজহ চক্ৰ বিষয়া কাৰ্যালয়ৰ তৰফৰ পৰা এইক্ষেত্ৰত কোনোধৰণৰ তৎপৰতা গ্ৰহণ নকৰাত ক্ষতিগ্ৰস্থ ৰাইজে ক্ষোভিত হৈছে ।
