প্ৰতিদিন সংবাদ, ফিল’বাৰীঃ ড্ৰাগছৰ বিৰুদ্ধে প্ৰতিবাদ সাব্যস্ত কৰিবলৈ ৰাজপথলৈ ওলাই আহিল ৰাইজ । মঙলবাৰে ফিল'বাৰীত ড্ৰাগছ বিৰুধী প্ৰতিবাদত কঁপিল ৰাজপথ । শতাধিক পুৰুষ-মহিলাৰ প্ৰতিবাদত উত্তাল তিনিচুকীয়া জিলাৰ ফিল'বাৰী অঞ্চল ।
আমগুৰি-নাজিৰাটিঙৰ পৰা ফিল'বাৰী আৰক্ষী থানালৈকে প্ৰতিবাদী সমদল । ৰাইজৰ এই প্ৰতিবাদত স্থানীয় কেইবাটাও দল-সংগঠনে সহযোগিতা আগবঢ়াই । ড্ৰাগছ, মদ, কানিৰ ব্যৱহায় বন্ধ কৰক, ফিলবাৰী অ চি গ’ বেক আদি শ্লোগানেৰে উত্তাল কৰি তুলে ৰাজপথ ।
ফিল'বাৰী আৰক্ষীয়ে ড্ৰাগছ মাফিয়াক কৰায়ত্ত নকৰাৰ অভিযোগ ৰাইজৰ । অঞ্চলটোত ড্ৰাগছৰ বেহা চলোৱা ৫ জন ড্ৰাগছৰ চোৰাং বেহাৰ লগত জড়িত লোকক আৰক্ষীৰ হাতত গটাই দিছিল । লগতে ড্ৰাগছ মাফিয়াৰ এখন তালিকা কিছুদিন পূৰ্বে ৰাইজে ফিল'বাৰী আৰক্ষীক দিছিল ।
কিন্তু আজি পৰ্যন্ত আৰক্ষীয়ে ড্ৰাগছ মাফিয়াৰ ঘৰত অভিযান চলোৱা দূৰৰে কথা ড্ৰাগছ মাফিয়া কেইটাক থানালৈ মাতি আনি সোধ-পোছ কৰিবলৈও সাহস গোটাব নোৱাৰিলে মন্তব্য প্ৰদান কৰে প্ৰতিবাদকাৰীয়ে । এই লৈ ক্ষোভত ৰাজপথলৈ উলাই আহিল জনতা ।
