প্ৰায় ৩ কোটি টকাৰ ব্ৰাউন চুগাৰসহ দুই মহিলা আটক…

ডিজিটেল সংবাদ, তিনিচুকীয়া:- তিনিচুকীয়া ৰে'ল আৰক্ষী আৰু টাক্স ফ'ৰ্চে চোৰাংচোৱাৰ খবৰৰ ভিত্তিত বুধবাৰে পুৱা ১৫৬০৩ নম্বৰ কামাখ্যা-লিডু এক্সপ্ৰেছত অভিযান চলাই বুজন পৰিমাণৰ ব্ৰাউন চুগাৰসহ দুই মহিলাক আটক কৰে ৷ ধৃত মহিলা দুগৰাকীৰ পৰা অভিযানকাৰী দলটোৱে ব্ৰাউন চুগাৰভৰ্তি ৩০ টা কন্টেনাৰত জব্দ কৰে ।

ব্ৰাউন চুগাৰখিনিৰ মূল্য প্ৰায় ৩.৫০ কোটি টকা বুলি ঠাৱৰ কৰা হৈছে ৷ ব্ৰাউন চুগাৰখিনি ডিমাপুৰৰ কালু নামৰ এজন ড্ৰাগছ মাফিয়াৰ পৰা সংগ্ৰহ কৰি ৰে'লেৰে দুলীয়াজানলৈ বুলি অনা হৈছিল । কিন্তু অভিযানকাৰী দলটোৱে নিউ তিনিচুকীয়া ষ্টেচনত অভিযান চলাই দুয়োকে আটক কৰিবলৈ সক্ষম হয় ।

অৱশ্য অভিযানকাৰী দলটোৱে ধৃত ড্ৰাগছ সৰবৰাহকাৰী দুগৰাকীৰ নাম-ঠিকনা সন্দৰ্ভত তথ্য ৰাজহুৱা কৰা নাই । ইয়াৰ পূৰ্বেও দুবাৰ একেদৰে ড্ৰাগছ সৰবৰাহ কৰাৰ কথা আৰক্ষীৰ আগত স্বীকাৰ কৰিছে ধৃত দুই মহিলাই ৷ তিনিচুকীয়া ৰে'ল আৰক্ষীয়ে অধিক তথ্যৰ সন্ধানত ধৃত মহিলাদুগৰাকীক জেৰা চলাই আছে ৷

আৰু পঢ়ক: কলিকতাত গৰমে দহিলে, মৰমে কাঢ়িলে KK ক…