ৰাষ্ট্ৰীয় ঘাইপথৰ ওপৰত বাগৰিল গছ; আবদ্ধ শ-শ যান-বাহন...

ডিজিটেল ডেস্ক : ৰাজ্যৰ প্ৰান্ত প্ৰান্তে আজি পুৱাৰ ভাগৰে পৰা প্ৰবল ধুমুহা-বৰষুণ দেখিবলৈ পোৱা যায়। বহু অঞ্চলত ক্ষতি সাধন কৰা এই ধুমুহা-বৰষুণৰ ফলত মঙ্গলদৈ-বাইহাটা সংযোগী পথৰ ওপৰত গছ বাগৰি ১৫ নং ৰাষ্ট্ৰীয় ঘাইপথত বহু যাত্ৰী আবদ্ধ হৈ পৰে। পথৰ মাজতে বহু সময় ধৰি আৱদ্ধ হৈ থাকে গুৱাহাটী আৰু তেজপুৰ অভিমুখী শ-শ যান-বাহন।

আনহাতে এই ধুমুহাই বিস্তৰ ক্ষতি সাধন কৰে বিশ্বনাথ ঘাটৰ বিভিন্ন অঞ্চলত। প্ৰবল বৃষ্টিপাত আৰু বতাহৰ ফলত দুজোপা প্ৰকাণ্ড গছ উঘালি গিৰিন্দ দাস নামৰ ব্যক্তি জনৰ ঘৰ ভাঙি সম্পূৰ্ণ ৰূপে চুৰ-মাৰ হয়। উল্লেখ্য যে, কথমপি প্ৰাণ ৰক্ষা পৰে পৰিয়ালটোৰ।

এই ধুমহা-বৰষুণৰ ফলত ৰাজ্যৰ বিভিন্ন প্ৰান্তত ঘৰ-বাৰীৰ উচন হোৱাৰ লগতে বিজুলী-যাতায়তৰ সংযোগো বিচ্ছিন্ন হৈছে।

Also Read: নীতি আয়োগৰ অষ্টম পৰিচালনা পৰিষদৰ বৈঠক: সভাপতিত্ব প্ৰধানমন্ত্ৰী মোডীৰ...