/asomiyapratidin/media/post_attachments/asomiyapratidin/2023-03/fa053250-270b-4bcb-b30f-bcb5b15c285f/y11.jpg)
ডিজিটেল সংবাদ, গোলাঘাট : মুখ্যমন্ত্ৰী ডঃ হিমন্ত বিশ্ব শৰ্মাই শুকুৰবাৰে গোলাঘাট জিলাৰ খুমটাই সমষ্টিৰ বিধায়ক মৃণাল শইকীয়াৰ উদ্যোগত গ্ৰহণ কৰা "পৰিষ্কাৰ খুমটাই" প্ৰতিযোগিতাৰ ফলাফলসমূহ আনুষ্ঠানিকভাৱে ঘোষণা কৰে । এই উপলক্ষে সমষ্টিটোৰ বৰটিকা মূদৈ গাঁৱৰ মুহিৰাম হাজৰিকা উচ্চ মাধ্যমিক বিদ্যালয়ৰ খেলপথাৰত অনুষ্ঠিত প্ৰথমখন সভাত মুখ্যমন্ত্ৰীগৰাকীয়ে বৰটিকা মূদৈ গাঁৱক ক্ষুদ্ৰ গ্ৰাম্য অভয়াৰণ্য হিচাপে ঘোষণা কৰে ।
অনুষ্ঠানত তেওঁ ব্ৰহ্মপুত্ৰ জিলা পৰিষদৰ ফলাফলসমূহ ঘোষণা কৰে । পৰৱৰ্তী সময়ত মুখ্যমন্ত্ৰীগৰাকীয়ে আধাৰ সত্ৰৰ শেনচোৱা বাপুজি হাইস্কুল খেলপথাৰ আৰু ভূলুকিটিং চাহ বাগিচাৰ নতুন লাইন খেলপথাৰত অনুষ্ঠিত সভাত অংশ লৈ আন তিনিটা জিলা পৰিষদ আৰু চাহ বাগিচাৰ ফলাফলসমূহ ঘোষণা কৰে । তেওঁ প্ৰথম দুটা স্থানত ছাত্ৰ-ছাত্ৰীৰ সৈতে মত বিনিময় কৰে । প্ৰতিযোগিতাত ব্ৰহ্মপুত্ৰ জিলা পৰিষদৰ অধীনৰ দাধৰা গাঁৱে প্ৰথম, দাধৰা আহোম গাঁৱে দ্বিতীয়, দুলীয়া গাঁৱে তৃতীয়, মুদৈ গাঁৱে চতুৰ্থ আৰু গোৱাল গাঁৱে পঞ্চম পুৰস্কাৰ লাভ কৰে ।
/asomiyapratidin/media/post_attachments/asomiyapratidin/2023-03/8411c3b6-35be-4205-bdca-959aaaf9254d/c944d02f_5dfd_4ce1_a1be_403b651cc9c2.jpg)
দক্ষিণ হেংগেৰা জিলা পৰিষদৰ অধীনত ২ নং বৰটিং নাওশলীয়া গাঁৱে প্ৰথম, চেতিয়া গাঁৱে দ্বিতীয়, নামচনীয়া গাঁৱে তৃতীয়, বামুন গাঁৱে চতুৰ্থ আৰু মৈদামনি গাঁৱে পঞ্চম পুৰস্কাৰ লাভ কৰে । খুমটাই জিলা পৰিষদৰ অধীনত মেলামৰা গাঁৱে প্ৰথম, হাবিচোৱা চিনাতলি গাঁৱে দ্বিতীয়, কচুপথাৰ গাঁৱে তৃতীয়, বছাগাঁৱে চতুৰ্থ আৰু বগৰীয়নি গাঁৱে পঞ্চম পুৰস্কাৰ লাভ কৰে ।
কঠালগুৰি জিলা পৰিষদৰ অধীনত যোগিবাৰী গাঁৱে প্ৰথম, বুঢ়ালিকচন গাঁৱে দ্বিতীয়, গোঁসাই সত্ৰ গাঁৱে তৃতীয়, ঢেকিয়াল গাঁৱে চতুৰ্থ আৰু চিনাতলী গাঁৱে পঞ্চম পুৰস্কাৰ লাভ কৰে । আনহাতে ২৪ খন চাহ বাগিচাৰ ভিতৰত নতুন মাটি চাহ বাগিচাই প্ৰথম, বৰটিং চাহ বাগিচাই দ্বিতীয় আৰু বৰকাঠনি চাহ বাগিচাই তৃতীয় পুৰস্কাৰ লাভ কৰে।
/asomiyapratidin/media/post_attachments/asomiyapratidin/2023-03/a1627de5-18e6-4f6c-ae68-15e97c97a865/253ac088_4fed_4125_913e_119f15cecdc2.jpg)
এই অনুষ্ঠানত সমষ্টিটোৰ বিধায়ক মৃণাল শইকীয়াৰ লগতে জিলা উপায়ুক্ত ডাঃ পি উদয় প্ৰবীণ , আৰক্ষী অধীক্ষক ৰমনদ্বীপ কৌৰ, সমাজকৰ্মী দেৱপ্ৰদীপ বৰা আৰু কেইবাগৰাকীও বিশিষ্ট ব্যক্তি তথা ভালেসংখ্যক লোক উপস্থিত থাকে ।
উল্লেখযোগ্য যে যোৱা ১৭ ফেব্ৰুৱাৰীৰ পৰা ৬ মাৰ্চলৈ খুমটাই সমষ্টিৰ গাঁও আৰু চাহ বাগিচাসমূহৰ মাজত "পৰিষ্কাৰ খুমটাই" প্ৰতিযোগিতাৰ আয়োজন কৰা হয় । সমষ্টিটোৰ অধীনৰ চাৰিখন জিলা পৰিষদৰ অন্তৰ্গত গাঁৱলৈ পাঁচটাকৈ মুঠ ২০টা পুৰস্কাৰ আগবঢ়োৱা হৈছে । প্ৰথম পুৰস্কাৰ ১কিলোমিটাৰ গ্ৰাম্য পথ নিৰ্মাণ, দ্বিতীয়, তৃতীয়, চতুৰ্থ আৰু পঞ্চম পুৰস্কাৰ ক্ৰমে ১০লাখ, ৮লাখ, ৫লাখ আৰু ৩লাখ টকাৰ উন্নয়নমূলক আঁচনি ।
/asomiyapratidin/media/post_attachments/asomiyapratidin/2023-03/6f49bd48-c51f-47db-9c74-5b804166edec/2bd589fb_d75d_492b_8b87_bdf90a790e63.jpg)
আনহাতে চাহ বাগিচাসমূহলৈ প্ৰথম, দ্বিতীয় আৰু তৃতীয় পুৰস্কাৰ হিচাপে আগবঢ়োৱা হ'ব ক্ৰমে ৫ লাখ, ৩ লাখ আৰু ২ লাখ টকাৰ উন্নয়নমূলক আচঁনি। সমষ্টিটোৰ মুঠ ১৪৮ খন গাঁও আৰু ২৪ খন চাহ বাগিচাৰ ভিতৰত প্ৰাৰম্ভিক বাচনিত ৪৮ খন গাওঁ আৰু ৩ খন চাহ বাগিচা অযোগ্য বিবেচিত হয় ।
৪ আৰু ৫ মাৰ্চত প্ৰকৃতিপ্ৰেমী, পৰিৱেশবিদ, জ্যেষ্ঠ সাংবাদিক আৰু অসামৰিক বিষয়াকে ধৰি বিভিন্ন ক্ষেত্ৰৰ পাৰদৰ্শী ব্যক্তিকলৈ গঠন কৰা মুঠ ৫ টা দলে বিচাৰক হিচাপে ১২১ খন গাওঁ আৰু চাহ বাগিচা পৰিদৰ্শন কৰি বাছনি কৰে ।
Also Read: বৰহোলাৰ শিলডুবিত বিভিন্ন সমস্যা সমাধানৰ দাবীত ৰাইজৰ উত্তাল প্ৰতিবাদ