ডিজিটেল সংবাদ, গহপুৰঃ ভোট জলকীয়া খেতিৰ জৰিয়তে এখন গাঁৱৰ ৰাইজ আগুৱাই গৈছে স্বাৱলম্বিতাৰ দিশত । গহপুৰ মহকুমাৰ অন্তৰ্গত জয়পুৰ গাঁৱৰ পুৰুষ মহিলা, যুৱক-যুৱতী সকলো ব্যস্ত ভোটজলকীয়া খেতিত । গাঁৱখনৰ প্ৰতিঘৰ লোকে ৫ ৰ পৰা ১০ বিঘা পৰ্য্যন্ত ভোটজলকীয়া খেতি কৰে । সৰ্বমুঠ গাওঁখনত প্ৰায় গাওঁখনত ৩০০ বিঘা ভোট জলকীয়া খেতি আছে ।
উৎপাদিত ভোটজলকীয়া সমূহ অৰুণাচল প্ৰদেশ, ডিমাপুৰ, চিকিম, গুৱাহাটী, নগাওঁ আদি লৈ দৈনিক কুইন্টলে কুইন্টলে ৰপ্তানি কৰিছে কৃষকসকলে । প্ৰতি কেজিত ৩০০ৰ পৰা ৪০০ টকা পৰ্যন্ত লাভ কৰে কৃষক সকলে । ভোট জলকীয়া খেতি যে এক লাভ জনক খেতি সেইয়া প্ৰমান কৰিবলৈ সক্ষম হৈছে জয়পুৰৰ বাসিন্দা সকলে।
