কন্যকা কৃষি পাম পৰিদৰ্শন সাংসদ দিলীপ শইকীয়াৰ

ডিজিটেল সংবাদ, জামুগুৰিহাট : লোকসভাৰ সাংসদ দিলীপ শইকীয়াই সোমবাৰে নদুৱাৰ সমষ্টিৰ বিধায়ক পদ্ম হাজৰিকাৰ একক প্ৰচেষ্টাত গঢ় লৈ উঠা ভৰলীপৰীয়া কন্যকা বহুমূখী পাম পৰিদৰ্শন কৰে ৷ কন্যকা কৃষি পামখন পৰিদৰ্শন কৰি সাংসদগৰাকী অভিভূত হৈ পৰাৰ লগতে ৰাজ্যৰ প্ৰতিটো সমষ্টিতেই এনেধৰণৰ কৃষিপাম গঢ়ি তোলাৰো পোষকতা কৰে ৷

বিশ্বনাথ জিলাৰ ২১ খন গাঁও, ওদালগুৰি জিলাৰ অন্তৰ্ভূক্ত হোৱা বিষয়টোত প্ৰতিক্ৰিয়া ব্যক্ত কৰাৰ লগতে বিহাৰৰ প্ৰতিখন জিলাত নিতিশ কুমাৰে মাদ্ৰাছা নিৰ্মাণ কৰিবলৈ বিচৰা সন্দৰ্ভত মত ব্যক্ত কৰে শইকীয়াই।

সাংসদগৰাকীয়ে কয়- বিহাৰত নিতিশ কুমাৰে কি কৰিছে সেইটো আমাৰ প্ৰয়োজন নাই ৷ সেইটো তেওঁলোকৰ দলীয় আভ্যন্তৰীণ বিষয় ৷ কিন্তু অসমত আমি ধৰ্মীয় শিক্ষাৰে মৌলবাদী হোৱাতকৈ ডাক্তৰ ইঞ্জিনীয়াৰহে বিচাৰো বুলি মন্তব্য কৰে ৷

কন্যকা কৃষিপাম পৰিদৰ্শনকালত সাংসদগৰাকীক সংগ দিয়ে নদুৱাৰ সমষ্টিৰ বিধায়ক পদ্ম হাজৰিকাই ৷

Also Read: অসম নেপালী সাহিত্য সভা কামৰূপ জিলা সমিতিৰ কাৰ্যনিৰ্বাহক সভা