ডিজিটেল সংবাদ, জামুগুৰিহাটঃ অসম চৰকাৰৰ শিল্পী পেঞ্চন প্ৰাপক জামুগুৰিহাটৰ শলগুৰি গাওঁৰ জ্যোতি হাজৰিকাক উষ্ম সম্বৰ্দ্ধনা জ্ঞাপন কৰে অঞ্চলটোৰ বিভিন্ন দল, সংগঠন অনুষ্ঠান-প্ৰতিষ্ঠান তথা ব্যক্তি বিশেষে ৷ শলগুৰি গাওঁ নিবাসী প্ৰবীন চিত্ৰ শিল্পী জ্যোতি হাজৰিকাৰ বাসগৃহত অনুষ্ঠিত এই ৰাজহুৱা সম্বৰ্ধনা অনুষ্ঠানত সভাপতিত্ব কৰে বাৰেচহৰীয়া ভাওনা উদযাপন সমিতিৰ সভাপতি ভৱ গোস্বামীয়ে ৷
শলগুৰি গাওঁবাসী ৰাইজৰ উদ্যোগত অনুষ্ঠিত সভাত প্ৰবীন শিল্পী গৰাকীক শলগুৰি গাওঁ উন্নয়ন সমিতি, বাৰেচহৰীয়া ভাওনা উদযাপন সমিতি,বাপুজী ভৱন নাট্য সমাজ,সুন্দৰম সাংস্কৃতিক গোষ্ঠী,শ্যামলী লেখিকা সমিতিকে ধৰি কুৰিৰো অধিক অনুষ্ঠান-প্ৰতিষ্ঠান দল সংগঠন ব্যক্তি বিশেষে ৰাজহুৱা সম্বৰ্ধনা জ্ঞাপন কৰে ৷
সভাত চিত্ৰ শিল্পী জ্যোতি হাজৰিকাৰ কৰ্মৰাজীৰ গুণানুকীৰ্তন কৰে অৱসৰী অধ্যাপক জনাৰ্দন ভূঞাঁ,প্ৰবীন নাট্য শিল্পী শৈলেন বৰকটকী,বিশিষ্ট সাংবাদিক তথা সংগীত শিল্পী বিদ্যুৎ ভূঞা, প্ৰাণ বৰঠাকুৰ, জ্যোতি ভট্ৰাচাৰ্যকে ধৰি বিভিন্নজনে ৷ অবসৰী শিক্ষক, সাহিত্যিক নাৰায়ণ শইকীয়া আৰু প্ৰমোদ শইকীয়াই আঁতধৰা সভাখনিত দুটি কবিতাৰে চিত্ৰ শিল্পী জ্যোতি হাজৰিকাক অভিনন্দন জ্ঞাপন কৰে লোক সংগীত শিল্পী কৰবী শইকীয়া আৰু ষড়ানন দেবনাথে ৷ শলগুৰি নিৱাসী গৌৰী হাজৰিকাই এটি ঘোষাৰে আৰম্ভ কৰা সভাখনিত অঞ্চলটিৰ কেইবা শতাধিক ৰাইজে অংশগ্ৰহণ কৰে ৷
