চীনত অনুষ্ঠিত বেডমিণ্টন এছিয়া জুনিয়ৰ চূড়ান্ত খেলত অসম সন্তান বৰ্ণিল আকাশ চাংমাই

চীনত অনুষ্ঠিত বেডমিণ্টন এছিয়া জুনিয়ৰ চূড়ান্ত খেলত অসম সন্তান বৰ্ণিল আকাশ চাংমাই

ডিজিটেল সংবাদ,শিৱসাগৰ : শিৱসাগৰৰ সন্তান বৰ্ণিল আকাশ চাংমাইয়ে দেওবাৰে পুৱা চীন দেশত অনুষ্ঠিত বেডমিণ্টন এছিয়া ১৭ আৰু ১৫ অনুৰ্দ্ধৰ জুনিয়ৰ চূড়ান্ত খেলত  অৱতীৰ্ণ হ’ব ৷ উল্লেখ্য যে বৰ্ণিলে ভাৰতক প্ৰতিনিধিত্ব কৰি দেওবাৰে পুৱা ৯-৩০ বজাত চীনৰ চংডুত চূড়ান্ত খেলত চীনৰ ফান হাংৰ লগত প্ৰতিদ্বন্বিতা আহবঢ়াব।

বৰ্ণিলে ১৫ বছৰৰ অনুৰ্দ্ধৰ শাখাত প্ৰতিযোগিতাত ভাগ ল'ব ৷ ভাৰতৰ  আন এগৰাকী খেলুৱৈ তনবী শৰ্মাই ৱাই কেটকিলিঙৰ লগত ১৭ বছৰ অনুৰ্দ্ধ শাখাত প্ৰতিদ্বন্বিতা আগবঢ়াব বুলি জানিবলৈ দিয়ে ৷

ভাৰতৰ দুয়োগৰাকী খেলুৱৈৰ পদক ইতিপূৰ্বে নিশ্চিত হৈছে ৷ উল্লেখ্য যে শিৱসাগৰ চহৰৰ এটা ভাড়াঘৰত থকা বৰ্ণিলৰ প্ৰকৃত ঘৰ যোৰহাট জিলাৰ কাকজানত ৷ বৰ্ণিলৰ এই সফলতাক কেন্দ্ৰ কৰি শিৱসাগৰৰ জনসাধাৰণ উৎফুল্লিত হৈ পৰিছে ৷ আজি নিশাটো পাৰ হ’লেই ভাৰত তথা অসমলৈ ভাল খবৰ অহাটো নিশ্চিত ৷

চীনত অনুষ্ঠিত বেডমিণ্টন এছিয়া জুনিয়ৰ চূড়ান্ত খেলত অসম সন্তান বৰ্ণিল আকাশ চাংমাই
জোনাইত অব্যাহত চোৰাং কাঠৰ সৰবৰাহ

Related Stories

No stories found.
Code:
logo
Asomiya Pratidin
www.asomiyapratidin.in