শতাধিক মাতৃৰ অংশগ্ৰহণেৰে মথুৰাপুৰ শংকৰদেৱ শিশু নিকেতনত মাতৃ সন্মিলন...

ডিজিটেল সংবাদ, মথুৰাপুৰঃ শনিবাৰে চৰাইদেউ জিলাৰ বৃহত্তৰ মথুৰাপুৰ অঞ্চলৰ অন্যতম ব্যক্তিগত খণ্ডৰ শিক্ষানুষ্ঠান মথুৰাপুৰ শংকৰদেৱ শিশু নিকেতনত ২০২৩ বর্ষৰ মাতৃ সন্মিলনখন দিনজোৰা কাৰ্যসূচীৰে সম্পন্ন হয় ৷ শিশুৰ সৰ্বাঙ্গীন বিকাশত মাতৃৰ ভূমিকা আৰু মাতৃসকলৰ কৰণীয় কামৰ বিষয়ে পৰ্যালোচনা কৰি মাতৃসকলক সজাগ কৰি তোলাৰ উদ্দেশ্যে অনুষ্ঠিত কৰা হয় মাতৃ সন্মিলনখনি।

সন্মিলনখনিত পুৱা বন্তি প্ৰজ্বলনেৰে শুভাৰম্ভ কৰে নিৰীক্ষক পবিত্ৰ গগৈয়ে ৷ ইয়াৰ পিছতে ৰূপালী ফুকনৰ সভাপতিত্বত মাতৃ সন্মিলনখনি অঞ্চলটোৰ শতাধিক মাতৃৰ অংশগ্ৰহণেৰে আৰম্ভ হয় ৷ অনুষ্ঠানত নিদিষ্ট বক্তা হিচাবে স্থানীয় শিক্ষয়িত্ৰী দীপা সন্দিকৈ উপস্থিত থাকি মাতৃসকলে শিশুৰ চৰিত্ৰ গঠন আৰু শাৰীৰিক-মানসিক উৎকৰ্ষ সাধনৰ বাবে গ্ৰহণ কৰিবলগীয়া বিভিন্ন পদক্ষেপৰ সম্পৰ্কত বিস্তৃত ব্যাখ্যা আগবঢ়াই।

লগতে মাতৃসকলক নিজ সন্তানৰ প্ৰতি দায়বদ্ধতাৰ ওপৰত বক্তব্য ৰাখে ৷ উক্ত অনুষ্ঠানতে মাতৃসকলে নিজৰ প্ৰতিভা সমূহ প্ৰদৰ্শন কৰে ৷ য’ত কেইবাগৰাকীও মাতৃয়ে অংশগ্ৰহণ কৰে বুলি জানিবলৈ দিছে নিকেতনখনৰ প্ৰধান আচাৰ্য্য টুটুমণি বৰগোহাঁইয়ে৷

Also Read: গোলাঘাটৰ দৈগ্ৰোং ৰাষ্ট্ৰীয় ঘাইপথত বিশাল চাইকেল ৰেলী...