হায় অসম আৰক্ষী! হেণ্ডকাফ লৈ পলাল ৰঞ্জিত বৰা হত্যাকাণ্ডৰ মূল অভিযুক্ত...

ডিজিটেল ডেস্ক: সাতগাঁও থানাত অঘটন।হেণ্ডকাফ লৈয়ে পলায়ন কৰে ৰঞ্জিত বৰা হত্যাকাণ্ডৰ মূল অভিযুক্ত শ্বাহ আলমে। বৃহস্পতিবাৰে নিশা সাতগাঁও থানাই আলমক লগত লৈ অভিযান চলাইছিল।

পঞ্জাবাৰীৰ বতাহঘূলি অঞ্চলত অভিযান চলাই থকাৰ সময়তেই আৰক্ষীৰ জিম্মাৰ পৰা পলায়ন কৰে শ্বাহ আলমে। ঘটনাটো আৰক্ষীয়ে গাপ দিয়াৰ চেষ্টা চলাইছিল বুলি অভিযোগ উত্থাপন হৈছে।

ঘটনা সন্দৰ্ভত আৰক্ষীয়ে তদন্ত আৰম্ভ কৰিছে যদিও এতিয়ালৈ কোনো সম্ভেদ লাভ কৰা নাই। এই কাণ্ডই আৰক্ষীৰ দায়িত্বহীনতাৰ পৰিচয় দিয়ে।

উল্লেখ্যে যে, কেইদিনমান পূৰ্বে গুৱাহাটীৰ মাজ মজিয়াত হত্যা কৰা হৈছিল ৰঞ্জিত বৰাক। হাজোৰ শ্বাহ আলম তালুকদাৰ এক্সেল একাডেমীৰ স্বত্বাধিকাৰী ।শ্বাহ আলমে ঘটনাৰ দিনাখন গুলী চলাইছিল।

আৰু পঢ়ক: এজন দৰিদ্ৰ ভাস্কৰ্য্য শিল্পীৰ হাতৰ পৰশত প্ৰাণ পাই উঠিছে অৰ্ধ শতাধিক খুকুৰি