ডিজিটেল ডেস্ক : ৭৫ বছৰত ভৰি দিলে ডিব্ৰুগড় হনুমানবক্স সুৰজমল কানৈ মহাবিদ্যালয়ে। অতি উলাহ-মালহেৰে উৎযাপন কৰা হৈছে কানৈ মহাবিদ্যালয়ৰ মহাৰজত জয়ন্তী বৰ্ষৰ সামৰণি অনুষ্ঠান।
মহাৰজত জয়ন্তীৰ সামৰণি অনুষ্ঠান উপলক্ষে উপস্থিত হয় মহাবিদ্যালয়খনৰ প্ৰাক্তন ছাত্ৰ তথা কেন্দ্ৰীয় চৰকাৰৰ মন্ত্ৰী সৰ্বানন্দ সোণোৱাল।
কেন্দ্ৰীয় মন্ত্ৰীগৰাকীয়ে ছাত্ৰ-ছাত্ৰীৰ সৈতে মত বিনিময় অনুষ্ঠানতো অংশ লয়। মহাবিদ্যালয়ত উপস্থিত হোৱা লগে লগে গায়ন-বায়নেৰে কেন্দ্ৰীয় মন্ত্ৰীগৰাকীক আদৰণি জনায় ছাত্ৰ-ছাত্ৰী সকলে।
