ডিজিটেল সংবাদ, ওৰাংঃ জুবিনৰ গীত গাই ৰকিবুল হুছেইনক উভতি ধৰিলে মৰিয়নিৰ বিধায়ক ৰুপজ্যোতি কুৰ্মীয়ে ৷ চামগুৰি সমষ্টিত এআই ইউ দি এফে প্ৰাৰ্থীত্ব দিয়া হ'লে আজিৰ পৰা দহ বছৰ আগতে ৰকিবুল হুছেইন পৰাজিত হৈ থাকিলে হেতেন বুলি মন্তব্য বিধায়ক ৰূপজ্যোতি কুৰ্মীৰ৷ তেওঁ লগতে কয়, এ আই ইউ দি এফে প্ৰাথিত্ব দিয়া হ'লে গৌৰৱ গগৈও বিধস্ত হ'ল হয় ৷
ৰকিবুল হুছেইনে পাঁচ ৰাজ্যৰ ফলাফলকলৈ কৰা মন্তব্যৰ প্ৰতিক্ৰিয়া প্ৰকাশ কৰি কুৰ্মীয়ে কয় ৰকিবুল হুছেইনে নিজৰ ভবিষ্যত কেনেদৰে ভাল কৰিব পাৰি এজন ভাল পণ্ডিত, ইমামৰ ওচৰলৈ গৈ পৰামৰ্শ লওক ৷ ইফালে ৰকিবুলৰ স্বাস্থ্য সন্দৰ্ভতো মন্তব্য ৰূপজ্যোতিৰ ।
তেওঁ কয়, ৰকিবুল যথেষ্ট শকত হৈছে , কেনেকৈ ক্ষীনাব পাৰে তাৰে চিন্তা-চৰ্চা কৰক ৷ কেতিয়া পৰি যায় ঠিক নাই ,মোৰ তেখেতৰ ওচৰত থাকিবলৈ মন যায় । আজি মাজবাটত অনুষ্ঠিত বিশাল জন জাগৰণ সভাত অংশ লোৱাৰ আগমূহুৰ্তত এইদৰে মন্তব্য আগবঢ়ায় ৰূপজ্যোতি কুৰ্মীয়ে।
