ডিজিটেল সংবাদ, কোকৰাঝাৰঃ কোকৰাঝাৰ সদৰ চহৰৰ শান্তিনগৰৰ উপ ডাকঘৰটো হঠাতে কোকৰাঝাৰ মূল ডাকঘৰলৈ স্থানান্তৰ কৰাত ব্যাপক প্ৰতিক্ৰিয়াৰ সৃষ্টি হৈছে । বিগত ৫০ বছৰ ধৰি শান্তিনগৰ উপ ডাকঘৰত কাম কাজ চলি আছিল যদিও শান্তিনগৰ উপ ডাকঘৰটো মুখ্য ডাকঘৰ লৈ স্থানান্তৰিত কৰাত ৰাইজৰ প্ৰবল ক্ষোভৰ উদগীৰণ হৈছে ।
গ্ৰাহকসকলৰ মতে শান্তিনগৰ ডাকঘৰত গ্ৰাহকৰ সৰহ সংখ্যকে বয়োজ্যেষ্ঠ নাগৰিক আৰু মূল ডাকঘৰৰ সতে সংলগ্ন কৰাত অঞ্চলটোৰ বয়োজেষ্ঠ্য গ্ৰাহকসকলে টকাৰ লেন-দেনৰ ক্ষেত্ৰত ভীষণ অসুবিধা তথা সমস্যাৰ সন্মুখীন হ'ব লগা হৈছে ৷ তদুপৰি দুৰত্বৰ ক্ষেত্ৰতো আন এক সমস্যাৰ সৃষ্টি হোৱাত ভীষণ সমস্যাত ভূগিছে গ্ৰাহকসকল। গ্ৰাহকৰ সুবিধাৰ্থে পূৰ্বৰ স্থানতে শান্তিনগৰ উপ ডাকঘৰটো বাহাল ৰখাৰ দাবী জনাইছে ।
