ডিজিটেল সংবাদ, হাজোঃ বিশ্বনাথৰ প্ৰায় ২০০ বছৰীয়া পুৰণি 'চাৰিআলি ঠাকুৰবাৰী মন্দিৰৰ প্ৰাণ প্ৰতিষ্ঠা মহোৎসৱৰ লগত সংগতি ৰাখি বুধবাৰে প্ৰাণ প্ৰতিষ্ঠিত বিগ্ৰহসমুহক লৈ এক বিশাল শোভাযাত্ৰা উলিওৱা হয় । এই মন্দিৰত ৰাম-পৰিবাৰ, হনুমান, ৰাধা-কৃষ্ণ, দুর্গা আৰু শিৱৰ বিগ্রহত প্ৰাণ প্ৰতিষ্ঠা কৰাৰ প্ৰাক মুহূৰ্তত আজি নগৰখনৰ মাজমজিয়াৰে বাহিৰ কৰা শোভাযাত্ৰাত প্ৰায় ৫ সহস্ৰাধিক ভক্তপ্ৰাণ ৰাইজে অংশগ্ৰহণ কৰি জয় শ্ৰী ৰামৰ ধ্বনিৰে আধ্যাত্মিক পৰিৱেশৰ সৃষ্টি কৰি তোলে।
এই শোভাযাত্ৰাটিত বিভিন্ন জাতি জনগোষ্ঠীৰ ধৰ্মপ্ৰাণ আইমাতৃ, মহিলা, পুৰুষ, যুৱক-যুৱতী, শিশুৱে অংশ গ্ৰহণ কৰে । প্ৰাণ প্ৰতিষ্ঠাৰ কার্যসূচী অনুসৰি প্ৰতিদিনে ভজন-কীর্তন, শংখধ্বনি, ঘণ্টাবাদন, মহাআৰতিৰ লগতে হনুমান চালিচা, সুন্দৰকাণ্ড আদিৰ সমূহীয়া পঠন আৰু যজ্ঞৰ পূৰ্ণাহুতি আদি ধৰ্মীয় কাম সমুহো চলি আছে। বৃহস্পতিবাৰে আটক ধুনীয়াকৈ সজাই তোলা ২০০ বছৰীয়া মন্দিৰটোৰ প্ৰাণ প্ৰতিষ্ঠা কৰা হ'ব।