ডিজিটেল সংবাদ, জামুগুৰিহাটঃ দেশৰ ভিতৰতে একক বৃহৎ সামাজিক সাংস্কৃতিক অনুষ্ঠান হিচাপে পৰিচিত বাৰেচহৰীয়া ভাওনা মহোৎসৱ সুকলমে উদযাপন হৈ যায় । মহোৎসৱৰ অন্তত শুকুৰবাৰে জমা-খৰছৰ হিচাপ দাখিল কৰে উদযাপন সমিতিয়ে ৷
এক সংৱাদমেলৰ জৰিয়তে উদযাপন সমিতিৰ সভাপতি তথা চতিয়াৰ বিধায়ক পদ্ম হাজৰিকাই এই হিচাপ ৰাজহুৱা কৰে ৷ সেই অনুসৰি এককোটি পশ্চিছ লাখ জমা হোৱাৰ বিপৰীতে এককোটি পোন্ধৰ লাখ খৰছ হয় আৰু দহ লাখ টকা জমা হয় ।
ভাওনা মহোৎসৱ শেষ হোৱাৰ দহ দিনৰ ভিতৰতে এই হিচাপ দাখিল কৰে বিধায়গৰাকীয়ে । ভাওনা মহোৎসৱ সফল উদযাপনত সহায় সহযোগীতা আগবঢ়োৱা সকলোলৈকে সংৱাদমেলৰ জৰিয়তে আন্তৰিক ধন্যবাদ জ্ঞাপন কৰে বিধায়ক পদ্ম হাজৰিকাই ৷
