ডিজিটেল সংবাদ, ফৰকাটিং : গোলাঘাট ফৰকাটিঙত চলিত বৰ্ষৰ ৫ নৱেম্বৰত আৰম্ভ কৰা হ'ল পলি বৰুৱা পৰিৱেশ্য কলা মহাবিদ্যালয়। ফৰকাটিং চিনিয়ৰ ছেকেণ্ডাৰী স্কুলত প্রতিষ্ঠা কৰা পৰিৱেশ্য কলা মহাবিদ্যালয়ত তবলা বাদন, বাঁহী বাদন, সত্ৰীয়া নৃত্য, গিটাৰ বাদন, খোল আৰু গায়ন-বায়নৰ প্ৰশিক্ষণৰ ব্যৱস্থা কৰা হৈছে।
বৰ্তমান লৈকে এই মহাবিদ্যালয়ত বহুতো ছাত্র- ছাত্রীয়ে নামভৰ্তি কৰিছে। বিদ্যালয়ৰ কতৃপক্ষই জানিবলৈ দিয়া অনুসৰি সত্ৰীয়া, গিটাৰ, তবলা বাদনৰ, বাঁহী বাদন, খোল বাদনৰ, চিত্রকলা, নাটক, গায়ন-বায়ন, আধুনিক গীত, ভকেল, হাৰমনিয়ামৰ শ্ৰেণী সমূহ চলাই যাব বুলি জানিবলৈ দিয়ে।
এই মহাবিদ্যালয়ত নামভৰ্তি কৰিবলৈ কোনো ধৰনৰ বয়সৰ সীমা কৰ্তৃপক্ষই ধাৰ্য কৰি দিয়া নাই, যিকোনো ইচ্ছুক ছাত্র-ছাত্ৰীয়ে নামভৰ্তি কৰিব পাৰিব। বিগত নৱেম্বৰ ১২ তাৰিখে তবলা বাদন, বাঁহী বাদন, গিটাৰ, সত্ৰীয়া নৃত্যৰে শেণীসমূহৰ শুভাৰম্ভ কৰা হৈছে । ফৰকাটিং চিনিয়ৰ ছেকেণ্ডাৰী স্কুলৰ এনেধৰনৰ প্রয়াসত স্থানীয় ৰাইজে ভূয়সী প্রশংসা কৰে আৰু সহযোগিতা আগবঢ়াই।
