নৰ্থ-ইষ্ট কেন্সাৰ হাস্পতালৰ অত্যাধুনিক প্ৰযুক্তিৰ নতুন সেৱা উদ্বোধন সাহিত্যিক মৃণালিনী দেৱীৰ

ডিজিটেল ডেস্ক : মহানগৰীৰ সমীপৱৰ্তী যোৰাবাটস্থিত নৰ্থ ইষ্ট কেন্সাৰ হাস্পতালত শুকুৰবাৰে কৰ্কট ৰোগীৰ বাবে এটি অত্যাধুনিক ডিজিটেল মেম’গ্ৰাফী মেচিন শুভ  উদ্বোধন কৰে অসম সাহিত্য সভাৰ প্ৰাক্তন উপ-সভাপতি মৃণালিনী দেৱীয়ে ৷ উদ্বোধনি  ভাষনত তেওঁ কয় যে কেন্সাৰ হাস্পতালখন অত্যাধুনিক মেম গ্ৰাফীৰ মেচিন মুকলি কৰি বিশেষকৈ মহিলা কৰ্কট ৰোগী সকলৰ  বাবে মহান কাম কৰিছে ৷ আমি আনন্দিত আৰু গৌৰাম্বিত হৈছো ৷

লগতে কয় যে, সমাজৰ বহু দুখীয়া মহিলা কৰ্কট ৰোগ দেখুৱাবৰ বাবে বাহিৰলৈ যাব নোৱাৰে ৷ তেনে ক্ষেএত এই হাস্পতালখনে এনে মেচিনৰ সুবিধা কৰাৰ বাবে বহু ৰোগী উপকৃত হব ৷ এই ৰোগ যদিও দুৰাৰোগ্য কোৱা হয় কিন্তু আজিৰ দিনত কৰ্কট ৰোগ মানে দোৰাৰোগ্য হৈ থকা নাই ৷ ৰোগীক সুস্থ কৰাৰো উপায় ওলাইছে ৷ আমাৰ দেশ দুখীয়া নহয় ৷আমাৰ দেশ পূন্য ভূমি ৷ দামি মেচিনেৰে দুখীয়া লোকৰ লগতে হস্পিতাল সমূহক চহকি কৰিছে ৷ চিকিৎসক নাৰ্চ সকলক আমি অনুৰোধ কৰিছো তেওঁলোকে যাতে এই মানৱ সেৱা প্ৰধান  সেৱা হিচাপে লৈ আগবাঢি যায় তাৰ বাবে অনুৰোধ কৰিছো ৷

ইফালে প্ৰতিষ্ঠানখনৰ অধ্যক্ষ গনেশ তামুলিয়ে কয় যে কৰ্কট মানে মৃত্যু নহয় ৷ ইয়াৰ উপযুক্ত চিকিৎসা আছে ৷ এই ৰোগ হোৱাৰ লগে লগে চিকিৎসা কৰিলে সুস্থ হৈ থাকিব পাৰি ৷ নৰ্থ ইষ্ট কেন্সাৰ হস্পিতালে এই ৰোগৰ ক্ষেত্ৰত বহু অত্যাধুনিক মেচিন আনি বহু ৰোগীক নিৰাময় কৰিছে বুলি উল্লেখ কৰে।

ইপিনে হস্পিতালখনৰ সঞ্চালক ডা: ৰাজ চাং কাকতিয়েও কৰ্কট ৰোগৰ ওপৰত বহু গুৰুত্বপূৰ্ণ ভাষন প্ৰদান কৰে ৷ পদ্মশ্ৰী বঁটা প্ৰাপ্ত ডঃ ইলিয়াছ আলিয়েও ভাষনত কয় যে কৰ্কট হ'লে ভয় খোৱাৰ কোনো কাৰন নাই ৷ এই ৰোগ হোৱাৰ লগে লগে চিকিৎসকৰ সহায় ল'লে ভাল পাব পাৰি ৷ মেম গ্ৰাফী এই ডিজিটেল অত্যাধুনিক মেচিনৰ জৰিয়তে বিশেষকৈ স্তন কেন্সাৰ হোৱা মহিলা সকল উপকৃত হব ৷

বছৰত এবাৰ মহিলা সকলে এই মেচিনৰ জৰিয়তে স্তন কেন্সাৰ হোৱা বা নোহোৱা  পৰীক্ষা কৰিলে সাধাৰন মানুহক নিছিনাকৈ জীয়াই থাকিব পাৰি বুলিও ইলিয়াচ আলিয়ে ভাষনত কয় ৷ অনুষ্ঠানত জনপ্ৰিয় অভিনেত্ৰী নিকুমণি বৰুৱাৰ লগতে কেইবাগৰাকী বিশিষ্ট ব্যক্তি উপস্থিত থাকে ৷ উল্লেখ্য যে সভাৰ আৰম্ভণিৰ পূৰ্বে অতিথি সকলক ফুলাম গামোচাৰে সম্বৰ্ধনা জনোৱা হয় ৷

Also Read: বকো পাইনেপল এফ পি চিৰ খাদ্য প্ৰক্ৰিয়াকৰণ গৃহৰ লাই খুঁটা স্থাপন