নগাঁও, লখিমপুৰৰ আৰক্ষী অধীক্ষকক বদলিৰ নিৰ্দেশ ডি জি পিৰ
ডিজিটেল ডেস্ক : জোনমণি দলেৰ মৃত্যু সন্দৰ্ভত চি আই ডিৰ সংবাদমেলৰ প্ৰায় আধাঘন্টা পূৰ্বে আৰক্ষী সঞ্চালক প্ৰধানৰ কাৰ্যালয়ে দিলে এক নতুন নিৰ্দেশ । এই নিৰ্দেশ অনুসৰি নগাঁও আৰু লখিমপুৰ জিলাৰ আৰক্ষী অধীক্ষক ক্ৰমে লীনা দলে আৰু বেদান্ত মাধৱ ৰাজখোৱাক বলদিৰ সিদ্ধান্ত লৈছে আৰক্ষী সঞ্চালক প্ৰধান জি পি সিঙে । ইয়াৰ ওপৰিও সমগ্ৰ ঘটনাৰ তদন্তৰ দায়িত্ব চিবিআইৰ হাতলৈ যোৱাৰ সম্ভাৱনা দেখা দিছে ।
উল্লেখ্য যে, ১৯ মে'ত আৰক্ষী সঞ্চালক প্ৰধানৰ কাৰ্যালয়ৰ পৰা জাৰী কৰা হৈছিল আন এক নিৰ্দেশনা । এই নিৰ্দেশনা অনুসৰি, অসম আৰক্ষীৰ বিশেষ আৰক্ষী সঞ্চালক প্ৰধান হৰমিৎ সিঙৰ নিৰ্দেশত চাৰিগৰাকীকৈ আৰক্ষী বিষয়াক হেডকোৱাৰ্টাৰ ক্ল'জ কৰা হৈছিল তাৎক্ষণিক ৰূপত ।
এই নিৰ্দেশাৱলীৰ পাছত চি আই ডি জৰুৰীকালীন সংবাদ মেলৰ আয়োজনে সূচাইছিল যে, সমগ্ৰ ঘটনাটিত গুৰুত্ব আৰোপ কৰাৰ থল আছিল । আৰু তাৰ পাছতেই সংবাদ মেলৰ আধাঘন্টা পূৰ্বে অহা বদলিৰ নিৰ্দেশে এই সম্ভাৱনাক আৰু অধিক দৃঢ় কৰিব বুলি মত প্ৰকাশ কৰিছে সচেতন মহলে । এনেস্থলত হয়তো পৰৱৰ্তী পৰ্যায়ত সমগ্ৰ ঘটনাৰ তদন্ত চি বি আইৰ হাতলৈ যাব পাৰে ।
