তিতাবৰস্থিত জৱাহৰ নবোদয় বিদ্যালয়ত সাংসদ পুঁজিৰে নিৰ্মান কৰা জিৰণি ঘৰ উদ্বোধন

ডিজিটেল সংবাদ, বেকাজানঃ জৱাহৰ নবোদয় বিদ্যালয়ৰ এটা দীৰ্ঘদিনীয়া অভাৱ পূৰণ কৰিলে ৰাজ্যসভাৰ সাংসদ কামাখ্যা প্ৰসাদ তাছাই । বিদ্যালয়খনলৈ বিভিন্ন কাম কৰিবলৈ অহা লোকসকল অথবা ছাত্ৰ-ছাত্ৰীৰ অভিভাৱকসকলে জিৰণি ল'ব পৰাকৈ তেওঁৰ সাংসদ পুঁজিৰ ৫ লাখ টকাৰে নিৰ্মাণ কৰে শিক্ষাৰ্থীৰ জিৰণি চ'ৰাটো ।

আজি সাংসদ গৰাকী জৱাহৰ নবোদয় বিদ্যালয়ৰ ৰূপালী জয়ন্তী অনুষ্ঠানত অংশগ্ৰহণ কৰাৰ লগতে বিদ্যালয়খনৰ চৌহদত নিৰ্মান কৰা জিৰণি ঘৰটো ফিটা কাটি উদ্বোধন কৰে । এই অনুষ্ঠানত উপস্থিত থাকে উত্তৰ পূব নবোদয় বিদ্যালয়ৰ সহকাৰী আয়ুক্ত বি.দি. ৰামটেকে, বিদ্যালয়খনৰ ভাৰপ্ৰাপ্ত অধ্যক্ষা শান্তিলাল তেলী, প্ৰাক্তন অধ্যক্ষ অনুৰা গুপ্তা, ৰাজ্যিক বিজেপিৰ চাহ মৰ্চাৰ সম্পাদক অঞ্জন কুৰ্মীৰ লগতে বিদ্যালয়খনৰ ন-পুৰণি ছাত্ৰ-ছাত্ৰী, শিক্ষক-শিক্ষয়িত্ৰীসকল । ইফালে দুদিনীয়াকৈ অনুষ্ঠিত ৰূপালী জয়ন্তী অনুষ্ঠানত বিভিন্ন সাংস্কৃতিক কাৰ্যসূচীৰ লগতে শোভাযাত্ৰা উলিওৱা হয় ।

Also Read: বিশ্বৰ সৰ্বাধিক বিলিয়নেয়াৰৰ দেশৰ তালিকাত তৃতীয় স্থানত ভাৰত