ডিজিটেল সংবাদ,চতিয়া : দ্বিতীয় বৈকুণ্ঠপুৰীত পৰিণত হ'ল চতিয়াৰ এটা অঞ্চল। দেওবাৰে চতিয়াৰ ৰংপুৰত অগনন জনতাৰ ধূপ-ধূনা, নৈবদ্য আৰু হৰিনামৰ ধ্বনিৰে অঞ্চলটো দ্বিতীয় বৈকুণ্ঠপূৰীত পৰিণত হয় ৷
উল্লেখযোগ্য যে বিভিন্ন জনগোষ্ঠীয় লোকৰ বসতিস্থল এই ৰংপুৰত দেওবাৰে পুনঃ নিৰ্মাণ কৰা হয় নৱনিৰ্মিত এটি নামঘৰ ৷ ১৯৯৮ চনতে প্ৰতিষ্ঠা কৰা নামঘৰটো চতিয়াৰ মাজেদি পাৰহৈ যোৱা চাৰিলেনযুক্ত পথটোৰ বাবেই ৪ বছৰ পূৰ্বে ভাঙি পেলোৱা হৈছিল।
ইয়াৰ পিছত নতুনকৈ নিৰ্মাণ কৰা নামঘৰটো দেওবাৰে এক গাম্ভীৰ্যপূৰ্ণ পৰিৱেশৰ মাজত ৰংপুৰৰ ৰাইজে পুনঃপ্ৰতিষ্ঠা কৰে ৷ এই অনুষ্ঠানত অগনন জনতাৰ লগতে উপস্থিত থাকে চতিয়াৰ বিধায়ক পদ্ম হজৰিকা।
