ডিজিটেল সংবাদ নগাঁও: নগাঁৱৰ প্ৰদীপ আৰ্ট এণ্ড ক্ৰাফ্টৰ শিক্ষাৰ্থীয়ে ৰাষ্টীয় পৰ্যায়ত কৃৰ্তিত্ব লাভ কৰিছে ৷ সুৰনন্দন ভাৰতীৰ কলকতা ব'ৰ্ডৰ সপ্তম বৰ্ষৰ শেষান্ত পৰীক্ষাত নগাঁৱৰ শিক্ষাৰ্থী তিস্তা কলিতাই দেশৰ ভিতৰতে শ্ৰেষ্ঠ ছাত্ৰীৰ সন্মান লাভ কৰিবলৈ সক্ষম হৈছে ৷
প্ৰদীপ আৰ্ট এণ্ড ক্ৰাফ্টৰ ছাত্ৰী তিস্তা কলিতাৰ লগতে সৰ্বভাৰতীয় পৰ্যায়ত কুমাৰ প্ৰিন্স আৰু দীপান্বিতা চৌধুৰীয়ে দ্বিত্বীয় শ্ৰেষ্ঠ আৰ মুনমি বৰাই তৃতীয় স্হান লাভ কৰিছে ৷ ৰাষ্টীয় পৰ্যায়ত তিস্তা, প্ৰিন্স, দীপান্বিতা আৰু মুনমিয়ে লাভ কৰা এই সফলতাত আনন্দমুখৰ প্ৰদীপ আৰ্ট এণ্ড ক্ৰাফ্টৰ প্ৰশিক্ষক, শিক্ষাৰ্থী আৰু অভিভাৱক ৷
লগতে প্ৰতিস্হানটিৰ অধ্যক্ষ ড° প্ৰদীপ মজুমদাৰক সুৰনন্দন ভাৰতীয়ে “নন্দন সৰস্বতী “ সন্মানেৰে সন্মানিত কৰিছে ৷ সাত আৰু আঠ ডিচেম্বৰত যাদবপুৰ বিশ্ববিদ্যালয়ৰ ইন্দুমতী সভাগৃহ আৰু জ্ঞান মঞ্চত অনুষ্ঠিত সুৰনন্দন ভাৰতীৰ ৩০ সংখ্যক সৰ্বভাৰতীয় সন্মিলন আৰু সুৰনন্দন উৎসৱৰ প্ৰথম দিনা শিক্ষাৰ্থীসকলক সন্মানিত কৰা হয় ৷
অসম, ত্ৰিপুৰা, নাগালেণ্ড, উৰিষ্যা, দিল্লী, পশ্চিমবংগ আদিৰ শিল্পীৰ সমাবেশ হৈছিল এই অনুষ্ঠানত ৷ উক্ত অনুষ্ঠানত অধ্যাপক পুষ্পিতা মুখাৰ্জী, সাহিত্য একাডেমীৰ সচিব দেবেন্দ্ৰ কুমাৰ দেবেশ, পণ্ডিত মল্লাৰ ঘোষ, ওডিসি নৃত্যগুৰু মনালিছা ঘোষ, বাউলশিল্পী পাপিয়া ষোষাল, তবলাশিল্পী জুলফিকাৰ হুছেইন, অমিত দত্ত, অনিমেষ কুমাৰ পাল, ডা° সুকোমল দাস আদি উপস্হিত আছিল ৷
