ডিজিটেল ডেস্কঃ জোনমণি ৰাভাৰ ৰহস্যজনক মৃত্যুৰে নাম সাঙোৰ খোৱা এজনৰ আত্মসমৰ্পণ । লখিমপুৰ জিলাৰ বঙালমৰাৰ ৰিয়াজুল ইছলাম নামৰ এজনে বৃহস্পতিবাৰে কৰিছে আত্মসমৰ্পণ । নগাঁৱৰ আৰক্ষী অধীক্ষকৰ কাৰ্যালয়ত আত্মসমৰ্পণ কৰিছে অভিযুক্তগৰাকীয়ে । নকল সোণৰ অবৈধ ব্যৱসায়ৰ সৈতেও জড়িত ৰিয়াজুল ।
আৰক্ষীৰ উপ-পৰিদৰ্শক জোনমণি ৰাভাৰ ৰহস্যজনকভাৱে মৃত্যু হোৱাৰ পিছতেই লখিমপুৰত আৰক্ষী অধীক্ষকৰৰ দায়িত্ব প্ৰদান কৰা হৈছিল আনন্দ মিশ্ৰক । জিলাখনৰ দায়িত্ব লৈয়েই আৰক্ষী অধীক্ষকগৰাকীয়ে অপৰাধীক আত্মসমৰ্পণ কৰিবলৈ হুংকাৰ প্ৰদান কৰিছিল ।
আনন্দ মিশ্রৰ হুংকাৰৰ পিছতেই নগাঁৱত আত্মসমৰ্পণ কৰিছে অভিযুক্তগৰাকীয়ে । সম্প্রতি তদন্তকাৰী বিষয়াই ৰিয়াজুলক সোধা-পোছা অব্যাহত ৰাখিছে । জোনমণি কাণ্ডৰ সৈতে নাম সাঙোৰ খাইছিল ৰিয়াজুলৰ । লখিমপুৰৰ নাওবৈচাত ঘৰ এইগৰাকী আত্মসমৰ্পনকাৰীৰ ।
