কলঙে পুনৰ ঘূৰাই পাব নিজৰ ৰূপ, আৰম্ভ খনন আৰু নিকাকৰণ কাৰ্য...

ডিজিটেল সংবাদ, নগাঁওঃ নগাঁও সদৰ সমষ্টিৰ বিধায়ক ৰূপক শৰ্মাৰ তৎপৰতাত আৰম্ভ হ'ল কলং নদীৰ খনন আৰু নিকাকৰণ কাৰ্য ৷ ইয়াৰ লগে লগে যৌৱন ঘূৰাই পাব নগাঁৱৰ কলং সুঁতিয়ে ৷ পুনৰ উজ্জীৱিত হৈ উঠিব নগাঁও বাসীৰ আয়ুসৰেখা স্বৰূপ কলং সুঁতিখনে। আতৰিব কলঙৰ বুকুৰ আৱৰ্জনা বোৰ ।

পুনৰ প্ৰাণচঞ্চলা হৈ উঠিব কলং । কলঙে পুনৰ ঘূৰাই পাব নিজৰ ৰূপ। ইতিমধ্যে পৰীক্ষামূলক ভাৱে আৰম্ভ হৈছে চহৰৰ মাজমজিয়াৰ প্ৰায় তিনি কিলোমিটাৰ কলং সূঁতিৰ বুকুৰ খনন আৰু নিকাকৰণৰ কাম ।

নগঞা ৰাইজৰ বহুদিনীয়া আশা আৰু প্ৰত্যাশাৰ অন্তত নগাঁৱৰ বিধায়ক ৰূপক শৰ্মাৰ তৎপৰতাত সোমবাৰৰ পৰা আৰম্ভ হৈছে এই কলং খনন আৰু নিকাকৰণ কাৰ্য । এই সন্দৰ্ভত বিধায়ক ৰূপক শৰ্মাই কয় , কঙলৰ খনন ইতিমধ্যেই আৰম্ভ হৈছে । পৰ্যায়ক্ৰমে খনন কৰা হ'ব । লগতে বিধায়কগৰাকীয়ে কয় যে এইয়া আমাৰ সংকল্প ।

Also Read: ৩৮ টা পৰিয়ালক নগাঁও জিলা উপায়ুক্তৰ সভাকক্ষত আনুষ্ঠানিকভাৱে মাটিৰ পট্টা প্ৰদান...