বিহুৰ দিনাই বটদ্ৰৱাত অপৰাধীলৈ আৰক্ষীৰ গুলী চালনা...

ডিজিটেল সংবাদ, বটদ্ৰৱাঃ বিহুৰ দিনাই বটদ্ৰৱা শান্তিজান বজাৰৰ সন্মুখত অপৰাধীলৈ লক্ষ্য কৰি আৰক্ষীৰ গুলী চালনা ৷ হাতেম আলী নামৰ ব্যক্তি জনৰ পাইকাৰী মাছৰ কাটাত আৰক্ষীৰ অভিযানত আটক এটা গড়ৰ খৰ্গ সৰবৰাহকাৰী ।

শুকুৰবাৰে আৰক্ষীৰ অভিযানত জব্দ হৈছে এটা গড়ৰ খৰ্গ । উল্লেখ্য যে, মহাপুৰুষ শ্ৰীমন্ত শংকৰদেৱৰ জন্মস্থান বটদ্ৰৱাৰ থানৰ দুৱাৰ মুখত থকা হাতেম আলীৰ মাছৰ কাটাত হৈ থকা অসামাজিক কাৰ্যকলাপৰ বাবে স্থানীয় লোকে অভিযোগ দি আহিছিল ।

স্থানীয় ৰাইজৰ অভিযোগ অনুসৰি হাতেম আলী, শ্বৰীফ আলী, ছাহজাহান আলীয়ে এই মাছৰ কাটাত গড়ৰ খৰ্গৰ লগতে বিভিন্ন অবৈধ ব্যবসায় চলাই আহিছিল । অভিযানটোৰ নগাঁও জিলাৰ আৰক্ষী অধীক্ষকক লীনা দলেই নেতৃত্ব লৈছিল । অভিযানত হাতেম আলী পলাবলৈ চেষ্টা কৰোঁতে আৰক্ষীয়ে গুলি চালনা কৰিছিল যদিও পলায়ন কৰে ।

Also Read: বিহুৰ দৈ চিৰা খাই বিষক্ৰিয়া, অসুস্থ ৮ জন...