ডিজিটেল সংবাদ,নগাঁও : দুৰ্ঘটনাপ্ৰৱণ নগাঁও জিলাত আৰম্ভ হৈছে আৰক্ষীৰ একশ্যন প্লেন । ডি জি পিৰ কঠোৰ নিৰ্দেশনাৰ পিছতেই অন্য ৬খন দুৰ্ঘটনাপ্ৰৱণ জিলাৰ লগতে নগাঁও জিলাতো নগাঁও আৰক্ষীয়ে পথ দুৰ্ঘটনা ৰোধৰ বাবে যুগুত কৰিছে কেতবোৰ বিশেষ আঁচনি ।
মঙলবাৰে সংবাদ মাধ্যমৰ আগত এই আঁচনিৰ বিষয়ে সদৰী কৰে নগাঁৱ আৰক্ষী অধীক্ষক নৱনীত মহন্তই । ইয়াৰ বাবে জনসাধাৰণকো পথ সুৰক্ষাৰ নীতি-নিৰ্দেশনা মানি যান-বাহন চলাবলৈ আহ্বান জনায় ।
উল্লেখ্য যে, ২০২২ বৰ্ষত নগাঁও জিলাত ৫০৮ টাকৈ দুৰ্ঘটনা সংঘটিত হোৱাৰ বিপৰীতে প্ৰাণহানি হৈছিল ২০৮ জনকৈ লোকৰ । চলিত বৰ্ষতো বৰ্তমানলৈকে জিলাখনত ১৭৭ টাকৈ পথ দুৰ্ঘটনা সংঘটিত হোৱাৰ বিপৰীতে নিহত হৈছে ৭৬ জনকৈ লোক ।
সেয়েহে নগাঁও আৰক্ষী-প্ৰশাসনে এতিয়াৰে পৰা যান-বাহন আৰু পথ সুৰক্ষা আইন নমনা চালক আৰু আৰোহীসকলৰ ওপৰত তীক্ষ্ণ দৃষ্টি ৰাখিব।
