ডিজিটেল সংবাদ নগাঁও : নগাঁৱৰ চকৰিগাঁৱত অঘটন ৷ ৰে'লৰ খুন্দাত নিহত এজন ৷ গৰু পোৱালীৰ জীৱন ৰক্ষা কৰিবলৈ গৈ মৃত্যুক সাৱতিলে এজন বৃদ্ধই ৷ জানিব পৰা মতে নিহত বৃদ্ধজনৰ নাম হৈছে গোপী ৰাম বৰা ৷
পুৱা গোপী ৰাম বৰাই গৰু পথাৰত এৰাল দিবলৈ গৈছিল ৷ ৰে'ল আলি পাৰ হৈ গৰু এৰাল দিবলৈ যোৱাৰ সময়ত এটি গৰু পোৱালী ৰে'ল আলিৰ মাজত আবদ্ধ হৈ পৰে ৷ আবদ্ধ গৰু পোৱালীটো উদ্ধাৰ কৰিবলৈ চেষ্টা কৰাৰ সময়তে অহা ৰে'লে প্ৰচণ্ড জোৰত খুন্দা মাৰে গোপী ৰাম বৰাক ৷
ফলত ৰে'লৰ খুন্দাত চিটিকি পৰে ব্যক্তিজন ৷ ৰে'লৰ খুন্দাত বৰাৰ ঘটনাস্হলিতে মৃত্যু হয় ৷ নিহত গোপী ৰাম বৰাৰ ঘৰ চকৰিগাঁৱতে ৷ কাজিৰঙা এক্সপ্ৰেছৰ খুন্দাতে শোঁকাবহ ঘটনাটো সংঘটিত হয় ৷
