ডিজিটেল সংবাদ,নগাঁও : নগাঁৱৰ বঢ়মপুৰ সমষ্টিৰ অন্তৰ্গত পৰুৱা গাৱঁৰ বিশিষ্ট শিক্ষাবিদ, নাট্যকাৰ, অভিনেতা বিশিষ্ট সমাজকৰ্মী বিজয় চন্দ্ৰ বৰা আৰু নাই। ৮২বছৰ বয়সত শনিবাৰে বিয়লি প্ৰায় ২.৩০বজাত ইহলীলা সম্বৰণ কৰে শিক্ষাবিদগৰাকীয়ে।
বাৰ্ধক্যজনিত কাৰণত মৃত্যু হোৱা বৰাই মৃত্যুৰ সময়ত সহধৰ্মিনী, এটি পুত্ৰ সন্তান আৰু দুগৰাকী জীয়ৰীক ইহসংসাৰত এৰি থৈ যায়। সমাজৰ অন্যান্য জনহিতৈষী কামত জড়িত থকাৰ লগতে প্ৰয়াত বৰা আছিল শিঙীয়া পোটনী হাইস্কুলৰ প্ৰতিষ্ঠাৰ মূল কাণ্ডাৰী।
ইয়াৰোপৰি তেঁও শিঙীয়া পোটনী হাইস্কুলতে শিক্ষকতা কৰি ২০০৩চনত অৱসৰগ্ৰহণ কৰিছিল । আনহাতে বিজয় চন্দ্ৰ বৰা আছিল সূত্ৰধাৰ,বাৰেগঞা সমাজৰ দুবাৰৰ কাৰ্যকৰী সভাপতি। শনিবাৰে বিজয় বৰাৰ মৃত্যুৰ খবৰ বিয়পি পৰাৰ লগে লগেই তেঁওৰ বাসগৃহত অসংখ্য গুণমুগ্ধই আহি উপস্থিত হৈ অন্তিম শ্ৰদ্ধা জ্ঞাপন কৰে।
