নগাঁও চহৰত মন্ত্ৰী পীযুষ হাজৰীকাৰ বিশাল ৰোড শ্ব’

ডিজিটেল সংবাদ, নগাঁও : মঙ্গলবাৰে নগাঁৱত বিজেপি প্ৰাৰ্থী সুৰেশ বৰাৰ হৈ বিশাল ৰোড শ্ব’ত অংশগ্ৰহণ কৰে মন্ত্ৰী পীযুষ হাজৰিকাই। নগাঁও চহৰৰ মাজেৰে উলিওৱা এই ৰোড শ্ব’ত অংশ ল’বলৈ দলে-বলে কেইবা সহস্ৰাধিক লোক ওলাই অহা পৰিলক্ষিত হয়।

দলৰ নেতা-কৰ্মী তথা সমৰ্থকসকলে বিজেপিৰ জয়ধ্বনি দি ৰেলী বাহিৰ কৰে । এই ৰোড শ্ব’ত মন্ত্ৰী পীযুষ হাজৰীকাক সংগ দিয়ে বিধায়ক ৰূপক শৰ্মাৰ লগতে প্ৰাৰ্থী সুৰেশ বৰাই। মন্ত্ৰীগৰাকীয়ে কয় যে সুৰেশ বৰাৰ জয় নিশ্চিত।

আনহাতে কংগ্ৰেছৰ প্ৰাৰ্থী প্ৰদ্যুৎ বৰদলৈক কটাক্ষ কৰি কয়- টেঙা আম দুবাৰ বেছিব নোৱাৰে । প্ৰদ্যুৎ বৰদলৈ টেঙা আম । অকৰ্মন্য সাংসদ প্ৰদ্যুৎ বৰদলৈ । নগাঁৱৰ কাৰণে একো কাম নকৰা অকৰ্মন্য সাংসদ প্ৰদ্যুৎ বৰদলৈক নগাঁৱৰ ৰাইজে ভোট নিদিয়ে । লগতে পীযুষ হাজৰীকাৰ সুৰতে সুৰ মিলাই বিধায়ক ৰূপক শৰ্মাইও সুৰেশ বৰাৰ জয় নিশ্চিত বুলি কয় ৷

Also Read: শিমলুগুৰি পি এছ পি এল স্কীল কেন্দ্ৰত কৃতি ছাত্ৰ-ছাত্ৰীৰ অভিনন্দন অনুষ্ঠান