ডিজিটেল সংবাদ, নগাওঁঃ ৰহাত সংঘটিত হয় এক ভয়ংকৰ অগ্নিকাণ্ড। ৰহাৰ খাইগড় ৰাষ্ট্ৰীয় ঘাইপথত খেৰ কঢ়িয়াই অনা চলন্ত বাহনত লাগিল ভয়াবহ জুই। বাহনখন কাৰ্বি আংলংৰ পৰা খানাপাৰা অভিমুখী আছিল ।
ৰাষ্ট্ৰীয় ঘাইপথৰ উপ পথত থকা বিদ্যুৎ পৰিবাহী তাঁৰত লাগি জুইৰ সূত্ৰপাত হয় । তাৰ পিছতে সম্পূৰ্ণৰূপে ভস্মীভূত হয় বাহনখনে কঢ়িয়াই অনা খেৰখিনি। খেৰ কঢ়িওৱা বাহনখনৰ নম্বৰ হৈছে AS 01 W 9487 । পিছত ৰহা আৰক্ষী আৰু অগ্নিনিৰ্বাপন বাহিনীৰ তৎপৰতাত জুই নোমোৱাবলৈ সক্ষম হয়। উক্ত অগ্নিকাণ্ডৰ ফলত প্ৰায় দুই ঘন্টা ধৰি বন্ধ হৈ পৰে ৰাষ্ট্ৰীয় ঘাইপথৰ যাতায়ত ।
