অনুসূচিত জাতি উন্নয়ন বৰ্ডৰ উদ্যোগত ছাত্ৰ-ছাত্ৰীক খেলৰ সামগ্ৰী বিতৰণ...

ডিজিটেল সংবাদ, বেবেজীয়া : নগাঁও জিলা অনুসূচিত জাতি উন্নয়ন বৰ্ডৰ উদ্যোগত শনিবাৰে নগাঁও জিলাৰ বেবেজীয়া নিকটৱৰ্তী তুলসীমুখ মাধৱদেৱ উচ্চতৰ মাধ্যমিক বিদ্যালয়ত অঞ্চলটোৰ প্ৰায় পাঁচ শতাধিক ছাত্ৰ-ছাত্ৰীৰ মাজত কেইবাবিধো খেলৰ সামগ্ৰী বিতৰণ কৰা হয় ৷ জিলা অনুসূচিত জাতি উন্নয়ন বৰ্ডৰ তৰফৰ পৰা বিতৰণ কৰা এই খেলৰ সামগ্ৰীসমূহৰ একোটা কিটৰ মূল্য প্ৰায় ৩০০০ টকা বুলি জানিব পৰা গৈছে ৷

খেলৰ সামগ্ৰী বিতৰণ এই অনুষ্ঠানত নগাওঁ জিলা অতিৰিক্ত উপায়ুক্ত গায়ত্ৰী শৰ্মা, অনুসূচিত জাতি উন্নয়ন বৰ্ড নগাঁৱৰ অধ্যক্ষ নৰেন দাস, সদস্য সকল ক্ৰমে অনুপম দাস, প্ৰণৱ বৰদলৈ, অৰুণ বণিয়া, নৱজ্যোতি দাস ৰ লগতে বিদ্যালয় খনৰ অধ্যক্ষ প্লাবিতা বৰাৰ লগতে শিক্ষক-শিক্ষয়িত্ৰী আৰু ছাত্ৰ-ছাত্ৰীসকল উপস্থিত থাকে ৷

অনুষ্ঠানটিত অতিৰিক্ত উপায়ুক্ত গায়ত্ৰী শৰ্মাই নিজৰ ভাষণ প্ৰসংগত ছাত্ৰ-ছাত্ৰীসকলক কঠোৰ অধ্যয়নশীলৰ লগতে ক্ৰীড়াৰ ক্ষেত্ৰতো সমান্তৰালভাৱে মনোনিৱেশ কৰিবলৈ আহ্বান জনাই ৷ জিলাখনৰ বিদ্যালয়সমূহৰ ছাত্ৰ-ছাত্ৰীসকলৰ মাজত বিতৰণ হ'ব লগীয়া এই খেলৰ সামগ্ৰীসমূহ প্ৰায় ৬,০০০ গৰাকী ছাত্ৰ-ছাত্ৰীৰ মাজত বিতৰণ কৰা হয়।

Also Read: বজালী বিজেপিত বিসম্বাদ: দলীয় কৰ্মীৰ মাজত নাই মিল...