ড্ৰাগছ সৰবৰাহত চি আৰ পি এফৰ জোৱান : হেৰ'ইনসহ চাৰিজনক আটক

ডিজিটেল সংবাদ, নগাঁও : নিষিদ্ধ ড্ৰাগছ সৰবৰাহত জড়িত হৈ পৰিছে চি আৰ পি এফৰ জোৱানো । নগাঁৱত হেৰ'ইন সৰবৰাহৰ অভিযোগত আটক হ'ল চি আৰ পি এফৰ জোৱানসহ চাৰিজনকৈ ব্যক্তি । আটকাধীন লোক কেইজন হৈছে ক্ৰমে চি আৰ পি এফৰ নগাঁও কাতিমাৰীস্থিত ৩৪ নং বেটেলিয়নৰ জোৱান খড়গপূৰৰ সুব্ৰত ভট্ট,কচুৱাৰ ছফিকুল ৰহমান আৰু ফকৰুদ্দিন,ধিঙৰ ফুৰকান আলি ।

এই চাৰিওজনকে নগাঁও আৰক্ষীৰ এটি বিশেষ দলে জিলাখনৰ প্ৰমিলা জাৰণিৰ ছহিদুৰ নামৰ এজন লোকৰ ভাড়াঘৰত অভিযান চলাই কৰায়ত্ত কৰাৰ লগতে ১৮.১৪ গ্ৰাম সন্দেহযুক্ত হেৰ'ইনো জব্দ কৰাৰ লগতে এ এছ ০২ এ এইছ ৪৮১৬ নম্বৰৰ এখন চাৰিচকীয়া বাহনো জব্দ কৰে ।

Also Read: আৰম্ভ হল চতুৰ্দশ নাগালেণ্ড বিধানসভাৰ প্ৰথম অধিৱেশন