ডিজিটেল সংবাদ, বেবেজীয়াঃ নগাওঁ জিলাৰ বেবেজীয়া সমীপৰ জামুগুৰি বাপুজি হাইস্কুলৰ শিক্ষক তথা সংস্কৃতি বান যুৱক ব্ৰজেন নাথৰ সোমবাৰে সন্ধিয়া আকস্মিক মৃত্যুক সাবতি লয় । উল্লেখ যে আজি দিনৰ ভাগত ব্ৰজেন নাথৰ অকস্মাত পেটৰ বিষ হোৱাৰ লগতে অসুস্থ হৈ পৰে । বিয়লি নগাওঁৰ এখন ব্যক্তিগত চিকিৎসালয়ত ভর্তি কৰা হয়।
চিকিৎসাধীন অৱস্থাতে সন্ধিয়া শিক্ষকজনৰ মৃত্যুমুখত পৰে । মৃত্যুৰ সময়ত তেখেতৰ বয়স আছিল ৫্১ বছৰ । সমাজ কৰ্মী, সংস্কৃতিবান ব্ৰজেন নাথৰ অকাল মৃত্যুৰ খবৰে অঞ্চলটোত শোকৰ ছাঁ পৰে ।
শিক্ষকতাৰ সমান্তৰাল কৈ সমাজৰ বিভিন্ন কামত জড়িত থকা ব্ৰজেন নাথে মৃত্যুৰ সময়ত পত্নী, এজন পুত্ৰ, জ্যেষ্ঠ ভাতৃকে ধৰি বহুতো আত্মীয়ক এৰি থৈ যায় । এসময়ত অংকীয়া ভাওনাত শ্ৰীকৃষ্ণৰ অভিনয় কৰা শিক্ষকজনৰ মৃত্যুত বাপুজি হাইস্কুলৰ শিক্ষক বৃন্দ, জামুগুৰি গৰখীয়া থান সমিতি, জামুগুৰি শাখা সাহিত্য সভা, জামুগুৰি কবি সন্মিলন কে ধৰি বিভিন্ন অনুষ্ঠানে শোক প্ৰকাশ কৰিছে ।
