ডিজিটেল সংবাদ, বঢ়মপুৰঃ নগাঁও জিলাৰ বঢ়মপুৰ তিনিআলি নিবাসী সৰবৰহী যুৱক দেৱজিৎ হাজৰিকাৰ (৩৮) সোমবাৰে নিশা প্ৰায় ৮ বজাত গুৱাহাটীৰ এক ব্যক্তিগত চিকিৎসালয়ত আকস্মিকভাৱে মৃত্যু হয়। বিগত কিছুদিন ধৰি এক জটিল ৰোগত আক্রান্ত হৈ চিকিৎসাধীন হৈ আছিল হাজৰিকা।
অমায়িক আৰু নম্ৰ স্বভাৱৰ যুৱকজন বৃহত্তৰ অঞ্চলটোৰ বিভিন্ন অনুষ্ঠান-প্ৰতিষ্ঠানৰ লগত জড়িত থকাৰ লগতে বঢ়মপুৰৰ নিৰ্মীয়মান অৱস্থাত থকা ঠগী-সুত ক্ৰীড়া প্ৰকল্পৰ এজন কাৰ্যকৰী সদস্য আছিল। মৃত্যুৰ সময়ত তেওঁ এজন ককায়েক, দুগৰাকী বায়েকসহ পৰিয়ালৰ আত্মীয়-স্বজন, বন্ধুবৰ্গক ইহসংসাৰত এৰি থৈ যায়। দেৱজিৎ হাজৰিকাৰ মৃত্যুত বৃহত্তৰ বঢ়মপুৰ অঞ্চলত গভীৰ শোকৰ ছাঁ পৰিছে।
