ডিজিটেল সংবাদ,নগাঁও : নগাঁৱত আপৰ নেতাক প্ৰহাৰ বিজেপি কৰ্মীৰ ৷ নগাঁও চহৰৰ লক্ষ্মীনগৰ চাৰিআলিত সংঘটিত হৈছে এই ঘটনা ৷
বিজেপি কৰ্মীৰ আক্ৰমণৰ বলি হোৱা আপৰ যুৱ নেতাগৰাকীৰ নাম ৰ'জ ৰাশ্বিদ কাকতি। জানিব পৰামতে আপৰ হৈ প্ৰচাৰ চলোৱাৰ বাবে যুৱ নেতা কাকতিক বিজেপিৰ এজন কৰ্মীয়ে গুৰুলাগুৰুলকৈ প্ৰহাৰ কৰে ৷
জনৈক মিণ্টু হাজৰিকা আৰু তেওঁৰ একাংশ সতীৰ্থই আক্ৰমণ কৰাৰ অভিযোগ উত্থাপন হৈছে ৷ ঘটনা সন্দৰ্ভত হয়বৰগাঁও টাউন আৰক্ষী চকীত এজাহাৰ দাখিল কৰে ৷
ইতিমধ্যে গুৰুতৰভাৱে আঘাতপ্ৰাপ্ত আপ নেতাগৰাকীক চিকিৎসালয়ত ভৰ্ত্তি কৰোৱা হৈছে ৷ আপৰ যুৱ নেতা কাকতিয়ে নাকত গুৰুতৰভাৱে আঘাপ্ৰাপ্ত হয়। ঘটনাক লৈ নগাঁৱত তীব্ৰ প্ৰতিক্ৰিয়াৰ সৃষ্টি হৈছে ৷ বিজেপিৰ কৰ্মীৰ এনে কাণ্ডক বিভিন্নজনে গৰিহণা দিয়ে ৷
