/asomiyapratidin/media/agency_attachments/2025/10/30/2025-10-30t082006090z-ap-newww-glm-2-2025-10-30-13-50-06.png)
/asomiyapratidin/media/member_avatars/a-/AFdZucrahs0cQJtCvPJgez1pmKf-b8DYLM8QcmdGGzcV=s96-c.jpeg )
Follow Us/asomiyapratidin/media/post_attachments/asomiyapratidin/2023-09/7d0a5150-1098-4636-b146-8c1ed21cf721/drugs.jpg)
মানকাচৰত ড্ৰাগছ ব্যৱসায়ত নামিল নাবালক।
মানকাচৰৰ ফেকামাৰীত ড্ৰাগছৰ বিৰুদ্ধে আৰক্ষীৰ অভিযান।
বৃহৎ পৰিমাণৰ নিচাযুক্ত টেবলেট আৰু কফ চিৰাফসহ আটক দুই সৰবৰাহকাৰী।
ধৃত সৰবৰাহকাৰী দুজনৰ এজন নাবালক।
তেওঁৰ বয়স ১৫ বছৰ।
আনজন সৰবৰাহকাৰী ৰূপচান আলী।
১৩৬৮০ টা নিচাযুক্ত টেবলেট আৰু ৯০ বটল কফ চিৰাফ জব্দ কৰা হৈছে।
এখন যাত্ৰীবাহী টেম্পোৰে হাটশিঙিমাৰীৰ পৰা মানকাচৰ অভিমুখে গৈ আছিল সৰবৰাহকাৰী দুজন।
গোপন সূত্ৰৰ ভিত্তিত জিলা আৰক্ষীৰ অতিৰিক্ত অধীক্ষক ফাৰুক আহমেদৰ নেতৃত্বত খাৰুৱাবান্ধা আৰক্ষীয়ে চলাইছিল অভিযান।
আৰক্ষীয়ে বৰ্তমান সৰবৰাহকাৰী দুজনক জেৰা চলাই আছে।
নাবালক ব্যৱহাৰ কৰি ড্ৰাগছ সৰবৰাহ কৰাৰ বিৰুদ্ধে আৰক্ষীয়ে তীব্ৰ অভিযান চলাব বুলি জনা গৈছে।
নাবালক ড্ৰাগছ সৰবৰাহকাৰীৰ পিতৃ কুখ্যাত ড্ৰাগছ মাফিয়া।
দীর্ঘ দিনে আৰক্ষীক ফাঁকি দি পশ্চিম বংগত পলাতক অৱস্থাত আছে তেওঁ।
নাবালক পুত্ৰক ব্যৱহাৰ কৰি কোচবিহাৰৰ পৰা ধুবুৰী হৈ মানকাচৰলৈ আনি আছিল ড্ৰাগছখিনি।
জিলা অতিৰিক্ত আৰক্ষী অধীক্ষক ফাৰুক আহমেদে এই তথ্য সাংবাদিকক সদৰি কৰিছে।
Also Read: শিৱসাগৰত প্ৰধান শিক্ষয়িত্ৰীয়ে নিজ মইমতালিৰে কাটিলে বিদ্যালয় চৌহদৰ মূল্যৱান গছ