অসম-অৰুণাচল সীমা সমস্যাকলৈ পুনৰ গুৰুত্বপূৰ্ণ বৈঠক

ডিজিটেল ডেস্কঃ অসম আৰু অৰুণাচলৰ মাজত দীৰ্ঘদিন ধৰি চলি থকা সীমা সমস্যাক লৈ শুকুৰবাৰে পুনৰ এক গুৰুত্বপূৰ্ণ বৈঠক অনুষ্ঠিত হয় ৷ অৰুণাচলৰ চিজুছাষ্ঠিত পাকে টাইগাৰ ৰিজাৰ্ভ পৰিদৰ্শন ভৱনত অনুষ্ঠিত গুৰুত্বপূৰ্ণ বৈঠকত অসমৰ হৈ অংশগ্ৰহণ কৰে অভিভাৱক মন্ত্ৰী পীযুষ হাজৰীকা আৰু চতিয়া সমষ্টিৰ বিধায়ক পদ্ম হাজৰিকাই ৷

অন্যহাতে অৰুণাচলৰ হৈ উক্ত বৈঠকত অংশগ্ৰহণ কৰে বন মন্ত্ৰী মামা নাটুং আৰু পাকেকিচাংৰ বিধায়ক বিওৰাম ৱাগেৰ লগতে বন বিভাগৰ উচ্চ পদস্থ বিষয়াই ৷ অৰুণাচলৰ দখলত থকা ন মৰা, ৱেষ্ট বেংক আদি কৰি কেইবাটাও অঞ্চলক লৈ বহু সময় ধৰি দুয়োপক্ষৰ মাজত চলা আলোচনাৰ অন্তত অৰুণাচলে নিজৰ দখলত থকা সম পৰিমাণৰ মাটি অসমক এৰি দিয়াৰ সিদ্ধান্ত গ্ৰহন কৰে ৷

উল্লেযোগ্য যে বৈঠকৰ পিছতে দুয়ো পক্ষই কেইবাটাও বিবাদমান এলেকা পৰিদৰ্শন কৰে ৷

Also Read: গুৱাহাটী উচ্চ ন্য়ায়ালয়ৰ মহাৰজত জয়ন্তীৰ অনুষ্ঠানত আজি অংশ ল'ব ৰাষ্ট্ৰপতি দ্ৰৌপদী মুৰ্মূয়ে...