ডিজিটেল ডেস্কঃ দেওবাৰে প্ৰধানমন্ত্ৰী মোডীৰ "মন কী বাত" ১০০ টা খণ্ড সম্প্ৰচাৰ পূৰ্ণ হ’ব। আজি ১১ বজাত প্ৰদানমন্ত্ৰী নৰেন্দ্ৰ মোডীয়ে "মন কি বাত"ৰ সম্বোধন কৰিব । আজিৰ অনুষ্ঠানটি নিউয়ক মুখ্য কাৰ্যালয়ৰ পৰা সম্প্ৰচাৰ কৰা হ’ব । লণ্ডনৰ ভাৰতীয় উচ্চ আয়োগে "মন কি বাত"ৰ ১০০ তম খণ্ডৰ এক বিশেষ স্ক্ৰীণিংও বেযৱস্থা কৰিছে ।
এশ টা খণ্ডত ভৰি দিয়া এই লাইভ সম্প্ৰচাৰত অংশগ্ৰহণ কৰিবলৈ প্ৰধানমন্ত্ৰী মোডীয়ে টুইটযোগে আহ্বান জনাইছে সকলোকে । বিজেপি শাসিত ৰাজ্যসমূহে মন কী বাতৰ ১০০ তম খণ্ড উদযাপন ৰ বাবে ব্যাপক আয়োজন কৰিছে । আজিৰ মন কি বাতত জনতাক বিজেপি দলটোৱেও এই ঐতিহাসিক ক্ষণৰ সাক্ষী হ’বৰ বাবে সামাজিক মাধ্যমযোগে আহ্বান জনাইছে ।
উল্লেখ্য যে "মন কী বাত" প্ৰথমবাৰৰ বাবে ২০১৪ চনৰ ৩ অক্টোবৰত সম্প্ৰচাৰিত হৈছিল । আজিৰ "মন কী বাত" অংশগ্ৰহণ কৰিব মুখ্যমন্ত্ৰী ড০ হিমন্ত বিশ্ব শৰ্মায়ো । তদুপৰি বুধবাৰে "মন কী বাত"ত অংশগ্ৰহণ কৰি গৃহমন্ত্ৰী অমৃত স্বাহে কয় যে ইয়ে ভাৰতৰ গণতন্ত্ৰক অধিক শক্তিশালী কৰি তুলিছে ।
