/asomiyapratidin/media/post_attachments/asomiyapratidin/2023-04/9a16b088-a33a-44fb-96d5-2bbcc02f30b4/bihu_aita.jpg)
ডিজিটেল সংবাদ, বটদ্ৰৱাঃ এতিয়া ৰাজ্যত ব’হাগ বিহু বতৰ । বিহুৰ বতৰত সকলোৱে ঘৰে ঘৰে হুঁচৰি মাৰি ধন সংগ্ৰহ কৰে । এই ধন সংগ্ৰহ কৰি কিছুৱে ভোজ খায় আনন্দ ফুৰ্তি কৰে । ইয়াৰ বিপৰীতে এক ব্যতিক্ৰম হ’ল বটদ্ৰৱাৰ সৰুহিছা গাঁৱৰ মহিলাসকলৰ এটি গোট হৈছে মনিকাঞ্চন বিহু হুঁচৰি দল ।
এই মনিকাঞ্চন বিহু হুঁচৰি দলৰ মহিলাসকল একত্ৰিত হৈ এইবেলি বিহুত বটদ্ৰৱাৰ গৃহস্থৰ চোতালে চোতালে পৰিবেশন কৰিছিল হুঁচৰি ।
এই হুঁচৰি গাই পোৱা ধনেৰে মনিকাঞ্চন বিহু হুঁচৰি দলৰ মহিলাসকলে ব্যতিক্ৰমী চিন্তা ধাৰাৰে নগাঁৱৰ সন্ত বিনোৱাজী জেষ্ঠ নাগৰিক গৃহ(বৃদ্ধাশ্ৰম)ৰ আইমাতৄ সকলক খাদ্য সামগ্ৰী প্ৰদান কৰে ।
/asomiyapratidin/media/post_attachments/asomiyapratidin/2023-04/da03d567-3d6e-4025-9ff4-c2c9f2494564/cb63b8bb_3916_452d_a9d9_961b8d1e4f5d.jpg)
যাৰ পৰিপেক্ষিত সন্ত বিনোৱাজী জেষ্ঠ নাগৰিক গৃহত এক আনন্দময় পৰিৱেশৰ সূচনা হয় । মনিকাঞ্চন বিহু হুঁচৰি দলৰ মহিলাসকলে বৃদ্ধাশ্ৰমৰ আইমাতৄ সকলক গামোছাৰে ওলগ জনোৱাৰ লগতে সকলোৱে হুঁচৰি গাই, বিহু নাচি আপোনপাহৰা হৈ পৰে ।
হুঁচৰি গাই পোৱা ধনেৰে প্ৰীতিভোজৰ আয়োজন কৰাৰ বিপৰীতে বৃদ্ধাশ্ৰমৰ আইমাতৄ সকলক খাদ্য সামগ্ৰী প্ৰদান কৰা মনিকাঞ্চন বিহু হুঁচৰি দলৰ এই মহানুভৱতা তথা ব্যতিক্ৰমী পদক্ষেপক সকলোৱে একেমুখে শলাগ লৈছে।
Also Read: জুনত অনুষ্ঠিত নহয় এপিএছচিৰ মূল পৰীক্ষা