কবিতা ১১৩/ ডিজিটেল সংবাদ

কবিতা ১১৩/ ডিজিটেল সংবাদ

- মণিমুগ্ধ ৰাজকোৱঁৰ

সাংবাদিকতাৰ তৰল গ্লানি

কলমত হালধীয়া ৰহস্য সানি

গণতন্ত্ৰৰ কৱচ

গণলোকৰ আৱাজ

চাৰিওদিশে সমালোচনা

নিন্দা লাঞ্চনাৰ কুচকাৱাজ।

কাগজ নহয়

কলমো নহয়

ডিজিটেলৰ ক'ডিং আৰু

ইণ্টাৰনেটৰ আৱাসত

আমি একোজন ডিজিটেল সাংবাদিক...

এটা আৱেষ্টনীত পৰিপুষ্ট

ৰাজনৈতিক ৰহস্য

সামাজিক দায়বদ্ধ

কেতিয়াবা...

হত্যা, ধৰ্ষণ

প্ৰতিবাদ, লুন্ঠন

আমাৰ এটি পুৱাৰ

শুভাৰম্ভণ...

কোনোবা কেতিয়াবা মৰিলেও গালি

কোনোবা কেতিয়াবা জগিলেও গালি

খবৰৰ টোপোলা আলফুলে বান্ধি

আপোনাৰ পদূলিত

আমাৰেইটো লানি...

আমি একোজন ডিজিটেল সাংবাদিক...

আমি সংবাদৰ বেশ্যা নকৰো

আমি সংবাদৰ নিচা নকৰো

সময়ৰ লগত, সময়ত আগত

আমি প্ৰতিযোগিতাৰ ভিক্ষা নকৰো,

আপোনাৰে কথা

আপোনাৰে কাণত

সত্য ক্ষীপ্ৰতাৰে

আমি কুন্ঠা নকৰো...

আমি একোজন ডিজিটেল সাংবাদিক...

Related Stories

No stories found.
Asomiya Pratidin
www.asomiyapratidin.in